Թուրքիայում անհայտ հանգամանքներում մահացել է Ինջիրլիքի ռազմաբազահի ամերիկացի աշխատակիցը

09:59, 13 Հունիս 2016

Թուրքիայում անհայտ հանգամանքներում մահացել է Ինջիրլիքի ռազմաբազահի ամերիկացի աշխատակիցը

Թուրքիայում սպանվել կամ դեռևս անհայտ հանագմանքներում մահացել է Ադանայում գտնվող Ինջիրլիքի ռազմաբազայում հրշեջ ստորաբաժանումներից մեկի ղեկավար, ԱՄՆ քաղաքացի 61-ամյա Թադեոս Միտչել Բորովիչը:

Նրա դին հայտնաբերվել է Ադանա նահանգի Չուկուրովա շրջանի Թորոս թաղամասում գտնվող շենքերից մեկի այգում: Ինչպես հաղորդում է թուրքական «Hurriyet» պարբերականը, ըստ նախնական տեղեկությունների՝ ԱՄՆ քաղաքացին վայր է ընկել 10 հարկանի շենքից կամ նրան վայր են գցել: Նշվում է, որ նրա ոտքերը մարմնից մի քանի մետր հեռու են եղել հայտնաբերվել:

Դեպքի վայրում աշխատում է ավելի քան 150 ոստիկան: Հանգուցյալը շուրջ 25 տարի աշխատում էր Ինջիրլիք ռազմաբազայում:

Աղբյուր` Ermenihaber.am