Թուրքական զորքերը հեռանում են Շըրնաքից, իսկ Հաքքարիում քրդերի դեմ ռազմական գործողությունները շարունակվում են

Տարածաշրջան12:36, 10 Հունիս 2016

Թուրքական զորքերը հեռանում են Շըրնաքից, իսկ Հաքքարիում քրդերի դեմ ռազմական գործողությունները շարունակվում են

Թուրքական զորքերը սկսել են հեռանալ Թուրքիայի Շըրնաք քաղաքից, որտեղ հունիսի 3-ին ավարտվել էր «Քուրդիստանի բանվորական կուսակցության» (ՔԲԿ-PKK) դեմ իրականացվող լայնամասշտաբ օպերացիան:

Թուրքական «Milliyet» պարբերականի տեղեկացմամբ՝ թուրքական զորքերի հետ միասին Շըրնաքից դուրս են բերվել թուրքական զորքերին պատկանող ավտոշարասյունը, ինչպես նաև տանկեր և «Kobra» տեսակի ռազմական ուղղաթիռներ: Բացի այդ այնտեղից հեռացել են նաև թուրքական ժանդարմերիայի ստորաբաժանումները և տեղափոխվել Շըրնաք նահանգի Ջիզրե շրջան, որտեղ նույնպես ընթանում են թուրք-քրդական բախումներ:

Նշենք, որ Շըրնաք քաղաքում 2016թ մարտի 14-ից թուրք-քրդական բախումների հետևանքով տեղական իշխանությունների կողմից հայտարարվել էր պարետային ժամ: Վերոնշյալ օպերացիայի ընթացքում թուրքական ուժերը սպանել են 508 քուրդ զինյալ և ոչնչացրել 1606 ինքնաշեն ռումբ:

Միևնույն ժամանակ, ներկա դրությամբ քրդերի դեմ ռազմական գործողություններ են ընթանում Թուրքիայի Հաքքարի նահանգի Դաղլըջա շրջանում, որտեղ ըստ թուրքական «Yenicaggazetesi» թերթի՝ հունիսի 8-ի գիշերը Թուրքիայի օդային ուժերին պատկանող ռազմական ինքնաթիռների իրականացրած ռմբակոծության հետևանքով սպանվել է 8-10 հոգուց բաղկացած քուրդ զինյալների խումբ:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։