ERMENI HABER AJANSI

Հունիսի 7-ին Ստամբուլի Վեզնեջիլեր թաղամասի մետրոյի կայարանի մոտ գտնվող ավտոբուսի կանգառում  տեղի ունեցած ահաբեկչական պայթյունի պատասխանատվությունը ստանձնել է  «Քուրդիստանի ազատության բազեներ» (TAK) խմբավորումը:

Միջանկյալ նշենք, որ այն  համարվում է Անկարայի կողմից ահաբեկչական ճանաչված «Քուրդիստանի բանվորական կուսակցությանը» (ՔԲԿ-PKK) հարող թևերից մեկը:

Ինչպես փոխանցում է թուրքական «Haberturk» լրատվամիջոցը հիշեցնում է, որ TAK-ը Թուրքիայում  ավելի վաղ ևս իրականացրել էր մի շարք հարձակումներ:

2007թ.  հունիսի 10-ին Ստամբուլի Բաքըրքյոյ թաղամաս (32 վիրավոր):

2007թ. մայիսի 23-ին Անկարայի Ուլուս Անաֆարթալար շուկա (7զոհ, 102 վիրավոր):

2010թ.  հոկտեմբերի 10-ին Ստամբուլի Թաքսիմ հրապարակ, ոստիկանական պահակակետի վրա իրականացված հարձակում (32 վիրավոր):

2011թ. սեպտեմբերի 20-in Անկարա  Քըզըլայ շրջան (3 զոհ, 34 վիրավոր):

20112. օգոստոսի 26-ին Անթալիա հանգստավայրի լողափ (6 վիրավոր):

2015թ. դեկտեմբեր 23-ին Ստամբուլի Սաբիհա Գյոքչե օդանավակայան (1 զոհ):

2016թ. մարտի 13-ին Անկարայի Քըզըլայ շրջան (37 զոհ):

2016թ ապրիլի 28-ին Բուրսա քաղաքի Ուլու մզկիթ (13 վիրավոր):

Հիշեցնենք, որ հունիսի 7-ին տեղի ունեցած պայթյունի հետևանքով զոհվել էր 11, վիրավորվել 32 մարդ: