Ցեղասպանություն13:27, 08 Հունիս 2016
Թուրքիայի ազգայնական կուսակցության առաջնորդ. «Հայերի տեղահանությունը հիանալի որոշում էր»
Թուրքական «Գորշ գայլեր» ծայրահեղական ազգայնական կազմակերպության քաղաքական թևը համարվող «Ազգայնական շարժում կուսակցության» նախագահ Դևլեթ Բահչելին կուսակցության այսօրվա նիստում խոսել է Գերմանիայի կողմից Հայոց ցեղասպանության ընդունման մասին:
Ըստ թուրքական «Milliyet» թերթի կայքի` Բահչելին արդարացրել է երիտթուրքերի կողմից հայերին տեղահանության ենթարկելու որոշումը` այն անվանելով «հիանալի որոշում»: Ծայրահեղականության դիրքերից հանդես եկած ազգայնականը, օգտագործելով թուրքական կեղծ թեզերը, մասնավորապես ասել է. «Ով ինչ ուզում է թող ասի. թուրք ժողովրդին թիկունքից դաշունահարածների տեղահանությունը հիանալի քաղաքական որոշում էր, որը փրկեց թուրքական հայրենիքի հարյուրամյակը և փառք Աստծո արվել է այն, ինչը անհրաժեշտ էր»:
Բահչելին, հավատարիմ մնալով ազգայնական տեսակետներին, կրկին թուրքերի կողմից ցեղասպանության ժամանակ իրականացրած կոտորածները վերագրել է հայերին` ասելով, թե իբր իրականում թուրքերն են կոտորվել ու խոշտանգվել:
«Տեղահանությունը տեղին էր, այսօր էլ նման իրավիճակում դա անխուսափելի կլիներ: Այդ ժամանակաշրջանի իթթիհաթական (երիտթուրքեր) կադրերը ազգային գիտակցությամբ կատարել են իրենց պարտականությունները»,- եզրափակել է Թուրքիայի համար առաջին ազգայնականը:
Վերջինս խոսել է նաև Գերմանիայի խորհրդարանում Հայոց ցեղասպանության ճանաչման բանաձևին կողմ քվեարկած թուրք պատգամավորների մասին` կրկին օգտագործելով վիրավորական ձևակերպումները: Բահչելին համաձայնել է վերոնշյալ պատգամավորների արյունը լաբորատոր փորձաքննության ենթարկելու անհրաժեշտության մասին Էրդողանի արած անհեթեթ հայտարարության հետ` ավելացնելով, որ իրենց կարծիքով այդ պատգամավորների արյունն այնքան է փչացած, որ նույնիսկ արյուն չի կարող կոչվել:
Այս ենթաբաժնի վերջին նորությունները
Բասքըն Օրանը, մի քանի օրինակներով համեմատելով անցյալն ու ներկան, պարզ ցույց է տալիս թուրքական պետական քարոզչության ողջ սնանկությունը։
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Մինչ Թուրքիայի հայերը պետք է ապրեն ժխտողական այս մթնոլորտում, աշխարհասփյուռ հայերը ստիպված են դիմանալ իրենց ընտանքի մեծերի հիշողությունների մշտական ցավին՝ հեռու իրենց նախնիներից ու հողերից։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |