Թուրքիայում վախենում են կորցնել գերմանացի զբոսաշրջիկներին

Տարածաշրջան18:00, 04 Հունիս 2016

Թուրքիայում վախենում են կորցնել գերմանացի զբոսաշրջիկներին

Գերմանիայի խորհրդարանի կողմից Հայոց ցեղասպանությունը ճանաչող բանաձևի ընդունումից հետո Անկարայից ստացվող արձագանքների հետևանքով 2 երկրների հարաբերությունների հնարավոր վատացման հեռանկարը լուրջ մտահոգություններ է առաջացրել Թուրքիայի զբոսաշրջության ոլորտում:

Թուրքական «Haberler.com» կայքը նշում է, որ հարաբերությունների հնարավոր վատացման հետևանքով կարող է նվազել Թուրքիա այցելող գերմանացի զբոսաշրջիկների թիվը: Իսկ դա լուրջ վնասներ կհասցնի երկրի զբոսաշրջության ոլորտին, որն առանց այդ էլ ռուսական ինքնաթիռի խոցման, երկրում վերջին շրջանում հաճախակի տեղի ունեցող ահաբեկչական պայթյունների ու քրդերի հետ շարունակվող ներքին բախումների հետևանքով այցելուների լուրջ կորուստներ է արձանագրում:

Թուրքիայի հյուրանոցատերերի միության նախագահ Թիմուր Բայընդըրը նշել է, որ այս պահին դեռևս շուտ է ենթադրություններ անելու համար, սակայն իրավիճակը ոլորտը վրա բացասական ազդեցություն այդուհանդերձ կունենա:

Վերջինս տեղեկացրել է, որ Թուրքիա այցելող զբոսաշրջիկներ մեջ ամենամեծը կազմում է գերմանացիների թիվը` տարվա ընթացքում ավելի քան 5 մլն զբոսաշրջիկ: Բայանդըրը նշել է նաև, որ առանց Գերմանիայի գործոնի` այս տարվա համար Թուրքիա այցելող զբոսաշրջիկների թվի 23%, իսկ ոլորտի եկամուտների 42% անկում է սպասվում:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։