Ցեղասպանություն13:40, 03 Հունիս 2016
Թուրքիայի վարչապետն ու Ադրբեջանի նախագահը անդրադարձել են Գերմանիայի խորհրդարանի որոշմանը
Պաշտոնական այցով Ադրբեջանում գտնվող Թուրքիայի վարչապետ Բինալի Յըլդըրըմի ու Ադրբեջանի նախագահ Իլհամ Ալիևի հանդիպումից հետո համատեղ մամուլի ասուլիս է կազմակերպվել:
Ըստ թուրքական իշխանամետ «Sabah» թերթի կայքի` Ալիևի ու Յըլդըրըմի ասուլիսի հիմնական թեման եղել է երեկ Գերմանիայի խորհրդարանի կողմից ընդունված Հայոց ցեղասպանությունը ճանաչող բանաձևը:
Ադրբեջանի նախագահն, անդրադառնալով բանաձևի ընդունմանն, ասել է. «Գերմանիայի որոշումը պատվեր է, որը քաղաքական ենթատեքստ ունի: Հայկական հարցն էլ պատրվակ է»:
Ալիևը չի մոռացել նշել, որ Ադրբեջանն, ինչպես միշտ, այս անգամ ևս եղբայրական Թուրքիայի կողքին է:
Թուրքիայի վարչապետն էլ պատմական սխալ է որակել Գերմանիայի խորհրդարանի որոշումը` ավելացնելով, որ դա իրենց համար ոչ մի նշանակություն չունի:
«Գերմանիայի խորհրդարանի կողմից նման որոշման ընդունումը վնաս է հասցրել մեր խորքային հարաբերություններին»,- ասել է Յըլդըրըմը` ավելացնելով, որ իրենք գերմանացի քաղաքական գործիչներից ապագայում ավելի խելամիտ քայլերի սպասում:
Յըլդըրըմը փորձել Հայոց ցեղասպանության ճանաչման հարցը կապել Խոջալուի դեպքերի ադրբեջանական թեզերի հետ` ակնարկելով, թե այս դեպքում դրանք էլ պետք է օրակարգ բերվեն:
Ըստ Յըլդըրըմի` Գերմանիան ընդունել է այդ բանաձևը, նպատակ ունենալով այդ ամոթը (ցեղասպանության-խմբ.) միայնակ չկրել աշխարհում:
Վերջում Յըլդըրըմը շնորհակալություն է հայտնել բարեկամ Ադրբեջանին` բանաձևի ընդունումից հետո ամենաբաձր մակարդակով իր դիրքորոշումը հայտնելու համար:
Այս ենթաբաժնի վերջին նորությունները
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ստեղծագործության տեսահոլովակը նկարահանվել է Ստամբուլի Բեշիքթաշի Սուրբ Աստվածածին հայկական եկեղեցում:
2025-ի հուլիսի տվյալներով՝ միլիոնատերերի թիվը 1 տարվա ընթացքում ավելացել է 775 հազարով՝ հասնելով 2․367000-ի։
Իսրայելի զինված ուժերում շուրջ 20 տարի ծառայած, այժմ Երուսաղեմի ռազմավարության և անվտանգության ինստիտուտը ղեկավարող Էրան Լերմանը խոսել է Իսրայել-Թուրքիա հնարավոր առճակատման մասին։
Իսրայելական մամուլը գրում է, որ Իսրայելի ազգային անվտանգության նախարարին ցանկացել են սպանել Թուրքիայից ստացված հրամանի հիման վրա։
Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |