Ցեղասպանություն07:41, 01 Հունիս 2016
Թուրքիայի վարչապետը հույս է հայտնել, որ Բունդեսթագն անհանգստացնող որոշում չի կայացնի
Թուրքիայի վարչապետ Բինալի Յըլդըրըմը առաջին պաշտոնական այցը Հյուսիսային Կիպրոսի ինքնահռչակ թուրքական Հանրապետություն կատարելուց առաջ օդանավակայանում պատասխանել է լրագրողների հարցերին:
Յըլդըրըմը ներկայացրել է այցի մանրամասները, խոսել Գերմանիայի խորհրդարանում Հայոց ցեղասպանության բանաձևի քվեարկության մասին: Ինչպես տեղեկացնում է թուրքական «Haberturk» լրատվական կայքը, Յըլդըրըմը Բունդեսթագում հունիսի 2-ին սպասվող բանաձևի քվեարկությունն անվանել է զավեշտալի:
Ըստ նորանշանակ վարչապետի՝ 1915-ին սովորական դեպքեր էին, որոնք հնարավոր են պատերազմական պայմաններում:
Նա կրկնել է պատմություն ուսումնասիրելու վերաբերյալ իր նախորդների հայտարարությունները՝ ասելով. «Մենք աշխարհին ասում ենք, որ որևէ թաքցնելու բան չունենք, գաղտնիք չունենք, թող ուսումնասիրեն: Պատմաբանները թող անեն այդ գործը: Եթե այն քաղաքականության գործիք դարձնենք, սխալ կլինի: Գերմանիայի հետ հարաբերությունները կտուժեն, ինչը մենք չենք ցանկանում»:
Յըլըդրըմը հիշեցրել է, որ Գերմանիայում 3.5 միլիոն թուրք է ապրում: Ըստ վարչապետի՝ Գերմանիայի խորհրդարանը չի կարող ականջալուր չլինել 3.5 միլիոն ընտրազանգվածի ձայնին: Յըլդըրըմը նշել է, որ չի ցանկանում, որ բանաձևն ընդունի և հույս է հայտնել, որ ողջախոհությունը կհաղթի:
«Անհանգստացնող որոշում չի կայացվի: Եթե անգամ կայացվի, ապա որևէ բան չի լինի: Այն մեզ համար առ ոչինչ է: Բայցևայնպես, չենք ցանականում, որ նման որոշումն ընդունվի»:
Յըլդըրըմի խոսքերով՝ Թուրքիան այն երկրներից չէ, որ զբաղվում է շանտաժով, սպառնում է կամ հակընդեմ ծրագրեր է մշակում: «Թուրքիան ասում է այն, ինչ մտածում է, երկակի ստանդարտներ չի կիրառում: Մենք անմնացորդ հավատարիմ ենք մեր կնքած պայմանագրերին. Մնում է Եվրամիությունը իր խոստումը պահի»:
Այս ենթաբաժնի վերջին նորությունները
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ստեղծագործության տեսահոլովակը նկարահանվել է Ստամբուլի Բեշիքթաշի Սուրբ Աստվածածին հայկական եկեղեցում:
2025-ի հուլիսի տվյալներով՝ միլիոնատերերի թիվը 1 տարվա ընթացքում ավելացել է 775 հազարով՝ հասնելով 2․367000-ի։
Իսրայելի զինված ուժերում շուրջ 20 տարի ծառայած, այժմ Երուսաղեմի ռազմավարության և անվտանգության ինստիտուտը ղեկավարող Էրան Լերմանը խոսել է Իսրայել-Թուրքիա հնարավոր առճակատման մասին։
Իսրայելական մամուլը գրում է, որ Իսրայելի ազգային անվտանգության նախարարին ցանկացել են սպանել Թուրքիայից ստացված հրամանի հիման վրա։
Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |