Հասարակական12:04, 01 Հունիս 2016
Թուրք հոդվածագիր. «Հայերը և հույները ո՞ւր և ինչպե՞ս գնացին»
2016 թվականի ապրիլի 6-ին Ստամբուլի SALT մշակութային կենտրոնում բացվել է հայ հետազոտող Մարիաննա Հովհաննիսյանի հեղինակած «Դատարկ դաշտեր» ցուցահանդեսը: Այն ներկայացնում է Արտաքին առաքելությունների համամիսիոներական ամերիկյան խորհրդի (ABCFM) արխիվը և Օսմանյան կայսրությունում ու Թուրքիայում ամերիկյան բողոքական միսիոներների կատարած աշխատանքը՝ ցուցադրելով Օսմանյան կայսրությունում՝ ապա Թուրքիայի Հանրապետությունում բողոքական համայնքների (հայեր և հույներ) առօրյայից պատկերներ և գրավոր նյութեր:
Թուրքական «Sanatatak» կայքում ցուցահանդեսի մասին իր տպավորություններն է ներկայացրել լրագրող Էֆե Բեշլերը:
Վերջինս նշել է, որ ցուցահանդեսում մարդկանց նկարներին նայելիս բազմաթիվ հարցեր են առաջանում. «Հայերը և հույները ո՞ւր և ինչպե՞ս գնացին: Մի՞թե այս երկրում նրանց համար տեղ չկար: Որքա՞ն լավ գիտենք մեր պատմությունը, և ի՞նչ են մեզ սովորեցրել այդ պատմությունից»:
Հոդվածագիրը գրում է, որ իր ուշադրությունն ամենից շատ գրավել է մի քարտեզ, որի վրա նշված են եղել միսիոներների գործունեության շրջանակը: Նրանց գործունեությունն առավել հագեցած է եղել ներկայիս Թուրքիայի հարավային և արևելյան շրջաններում, որտեղ հիմնականում հայեր էին ապրում:
«Այս քարտեզը ինձ տանում է դեպի 1915 թվական: Ցավով գիտակցում ենք, որ Մեծ Եղեռնի պատճառով Անատոլիան, այսինքն՝ մենք, կորցրել ենք այս ամբողջ հարստությունը»,- գրել է Բեշլերը:
Հոդվածագիրը հայտնում է, որ «Դատարկ դաշտեր» ցուցահանդեսում ներկայացվել է նաև ամերիկյան միսիոներական առաքելության գործունեության շնորհիվ Մերզիֆոնում հիմնված Անատոլիա քոլեջի թանգարանի բնագիտական հավաքածուն:
Այդ հավաքածուի համադրողն էր գերմանահայ գիտնական, բուսաբան պրոֆ. Հովհաննես Ջոն Մանիսաջյանը (1862-1942): Ըստ Բեշլերի՝ այս բնագիտական թանգարանը Անատոլիայում եզակի էր այդ ժամանակաշրջանում:
«Կարծում եմ, որ 1915 թվականը շրջադարձային եղավ՝ չնայած այն հանգամանքին, որ Անատոլիայում գոյություն է ունեցել մշակութային և գիտական հսկայական հարստություն:
Նմանատիպ ցուցահանդեսները, որոնք վերակենդանացնում են մեր հիշողությունը, պատճառ են դառնալու, որ մարդիկ անցյալի հետ առերեսվեն, պատմությունը վերաշարադրեն, մշակույթները և անհատները միմյանց բարեկամաբար վերաբերվեն»,-հավելել է Բեշլերը՝ ընթերցողներին խորհուրդ տալով այցելել ցուցահանդես, ուսումնասիրել ներկայացված նյութը և մտածել դրա շուրջ:
Այս ենթաբաժնի վերջին նորությունները
Ընտանեկան դատարանը փաստարկել է, որ «միայն կանանց համար սպասման ժամկետի նախատեսումը վնասում է կնոջ և տղամարդու հավասարությունը։
Ծնելիության բարձր ցուցանիշներ ունեն Իրաքը՝ 3.36 և Սիրիան՝ 2.59։
Իսկ 72%-ը չի հավատում, որ ՆԱՏՕ-ն կպաշտպանի Թուրքիային, եթե վերջինիս վրա հարձակվեն:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ուղուրջան Բալ. «Չնայած Հայաստանը տարածքով փոքր է, բայց խոր արմատներ ունեցող իր պատմությամբ աշխարհի ամենահին քաղաքակրթություններից մեկն է»։
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Ծնելիության բարձր ցուցանիշներ ունեն Իրաքը՝ 3.36 և Սիրիան՝ 2.59։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |