Ցեղասպանություն07:05, 01 Հունիս 2016
Էրդողանի անդրադարձը Բունդեսթագում քվեարկվելիք Հայոց ցեղասպանության օրինագծին
Թուրքիայի նախագահ Ռեջեփ Թայիփ Էրդողանը մեկնաբանություններ է արել Գերմանիայի խորհրդարանում հունիսի 2-ին քվեարկվելիք Հայոց ցեղասպանության ճանաչման բանաձևի վերաբերյալ: Թուրքական «Haberler.com» լրատվակայքի համաձայն՝ Ուգանդա մեկնելուց առաջ Իզմիրի օդանավակայանում կազմակերպված մամուլի ասուլիսի ժամանակ Էրդողանը պատասխանել է լրագրողների հարցերին:
«Երեկ պարոն վարչապետը կանցլեր Մերկելի հետ խոսել է այդ թեմայով: Երկու ժամ առաջ էլ՝ ես»,- նշել է Էրդողանը՝ տեղեկացնելով, որ Մերկելը հավաստիացրել է, թե իրենց հնարավորության սահմաններում ամեն ինչ կանեն, որպեսզի բանաձևը օրակարգից դուրս գա:
Էրդողանը նաև նշել է, թե Թուրքիան «Հայոց ցեղասպանություն» կոչվող խնդիր չունի և այդ առումով իրենք հանգիստ են:
Թուրքիայի նախագահը հիշեցրել է, որ Գերմանիայում ավելի քան 3 մլն թուրք է բնակվում և ընդգծել, որ Թուրքիա-Գերմանիա հարաբերությունները շատ բարձր մակարդակի վրա են գտնվում:
Լրագրողներից մեկի հարցին, թե ինչ ազդեցություն կունենա Ցեղասպանության վերաբերյալ օրինագիծը երկու երկրների հարաբերություններին, Թուրքիայի նախագահը պատասխանել է.
«Եթե Գերմանիան ընկնի այս թակարդը, ապա վնաս կկրեն երկու երկրների դիվանագիտական, տնտեսական, առևտրական, քաղաքական և ռազմական հարաբերությունները (քանի որ մենք համատեղ նաև ՆԱՏՕ-ի անդամ երկրներ ենք): Կարծում եմ, որ նրանք այս ամենը հաշվի կառնեն»:
Ըստ Էրդողանի՝ այժմ ճիշտ չի լինի քննարկել մի որոշում, որը դեռ չի կայացվել: Նրա կարծիքով նախ պետք է սպասել ու տեսնել, թե Բունդեսթագը ինչ որոշում կկայացնի, իսկ հետո փորձել հասկանալ ընդունված որոշման հիմնավորումները, բովանդակությունը:
Թուրքիայի նախագահը նաև նշել է, որ, ամեն դեպքում, կայացվելիք որոշումը միջազգային օրենքի շրջանակներում որևէ կերպ չի կարող պարտավորեցնել Թուրքիային:
Այս ենթաբաժնի վերջին նորությունները
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ստեղծագործության տեսահոլովակը նկարահանվել է Ստամբուլի Բեշիքթաշի Սուրբ Աստվածածին հայկական եկեղեցում:
2025-ի հուլիսի տվյալներով՝ միլիոնատերերի թիվը 1 տարվա ընթացքում ավելացել է 775 հազարով՝ հասնելով 2․367000-ի։
Իսրայելի զինված ուժերում շուրջ 20 տարի ծառայած, այժմ Երուսաղեմի ռազմավարության և անվտանգության ինստիտուտը ղեկավարող Էրան Լերմանը խոսել է Իսրայել-Թուրքիա հնարավոր առճակատման մասին։
Իսրայելական մամուլը գրում է, որ Իսրայելի ազգային անվտանգության նախարարին ցանկացել են սպանել Թուրքիայից ստացված հրամանի հիման վրա։
Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |