Ցեղասպանություն09:10, 31 Մայիս 2016
Ջեմ Օզդեմիրի կարծիքով Բունդեսթագը կհաստատի Ցեղասպանության ճանաչման բանաձևը
Գերմանիայի «Կանաչների կուսակցության» համանախագահ, թուրքական ծագումով գերմանացի պատգամավոր Ջեմ Օզդեմիրը մեկնաբանություններ է արել այս շաբաթ Բունդեսթագում քվեարկության դրվելիք Հայոց ցեղասպանության ճանաչման բանաձևի վերաբերյալ: Թուրքական «Zaman» թերթի կայքի տեղեկացմամբ՝ Օզդեմիրը կարծիք է հայտնել, որ հունիսի 2-ին Գերմանիայի խորհրդարանական կուսակցությունները կհաստատեն իրենց կողմից համատեղ մշակված օրինագիծը:
Անդրադառնալով նաև պատմական փաստերի ուսումնասիրման նպատակով հատուկ հանձնաժողով ստեղծելու վերաբերյալ Էրդողանի առաջարկին՝ Օզդեմիրն այն անիմաստ է համարել: «Էրդողանը պատմաբանների համատեղ հանձնաժողով է պահանջում: Թուրքիան համատեղ հանձնաժողվի վերաբերյալ Ցյուրիխյան արձանագրությունների շրջանակներում կարևոր արդյունքի էր հասել: Բայց, ցավոք, Էրդողանը թույլ չտվեց, որ այդ արձանագրությունները կյանքի կոչվեն, չնայած դրանցում Դավութօղլուի ստորագրությունն էր դրված», - հիշեցրել է քաղաքական գործիչը:
Դիմելով Անկարային՝ Օզդեմիրը շեշտել է, որ Թուրքիան պետք է հստակեցնի, թե հայկական հարցի շրջանակներում կոկրետ ինչ է ուզում: Ըստ գործչի՝ Ցյուրիխյան արձանագրությունները ստորագրելն ու հետո դրանցից հրաժարվելը Թուրքիայի կողմից ճիշտ քայլ չէր և Թուրքիայի արտաքին քաղաքականությունն այս հարցում զիգզագաձև է:
Վերջում «Կանաչների» համանախագահը հավելել է, որ իր մայրը հայկական հարցի վերաբերյալ միշտ որպես օրինակ պատմել է Քյութահիայի կառավարչի պատմությունը, ով ընդդիմացել էր հայերի տեղահանությանը: Օզդեմիրը բոլորին կոչ է արել ընդունել տեղի ունեցածը: Նա նաև նշել է, որ ուրիշներին գիտակցաբար վնաս տալը հարիր չէ այն իսլամին, որն իրեն իր մայրն է սովորեցրել:
Այս ենթաբաժնի վերջին նորությունները
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ստեղծագործության տեսահոլովակը նկարահանվել է Ստամբուլի Բեշիքթաշի Սուրբ Աստվածածին հայկական եկեղեցում:
2025-ի հուլիսի տվյալներով՝ միլիոնատերերի թիվը 1 տարվա ընթացքում ավելացել է 775 հազարով՝ հասնելով 2․367000-ի։
Իսրայելի զինված ուժերում շուրջ 20 տարի ծառայած, այժմ Երուսաղեմի ռազմավարության և անվտանգության ինստիտուտը ղեկավարող Էրան Լերմանը խոսել է Իսրայել-Թուրքիա հնարավոր առճակատման մասին։
Իսրայելական մամուլը գրում է, որ Իսրայելի ազգային անվտանգության նախարարին ցանկացել են սպանել Թուրքիայից ստացված հրամանի հիման վրա։
Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |