Քաղաքական08:01, 27 Մայիս 2016
Թուրք պաշտոնյա. «Թուրքիան ԱՄՆ-ից հարվածային անօդաչու թռչող սարքեր այլևս չի գնի»
Թուրքիայի ռազմաարդյունաբերության գծով փոխնախարար Իսմայիլ Դեմիրը Վաշինգտոնում հայտարարել է, որ Թուրքիան արդեն ԱՄՆ-ից հարվածային անօդաչու թռչող սարքեր (ԱԹՍ) չի գնի: Այս մասին հայտնում է թուրքական «Ahaber» լրատվական կայքը: Դեմիրը Վաշինգտոնում գտնող վելուծական կենտրոններից մեկում՝ «Ատլանտիկ խորհրդում», մասնակցել է «Թուրքիայի քաղաքականությունը ռազմական արդյունաբերության ոլորտում» քննարկմանը: Նա ելույթի ժամանակ նշել է, որ Թուրքիան ռազմական արդյունաբերության ասպարեզում աստիճանաբար ավելի հաստատուն և անկախ քայլեր է անում:
Դեմիրն ընդգծել է, որ ԱՄՆ և Թուրքիան այս ոլորտում մի շարք համատեղ նախագիծ են ունեցել, սակայն Վաշինգտոնի կողմից դրանցից հրաժարումը Անկարային դրդել է այդ ծրագրերը միայնակ իրագործել:
«Այստեղ փոխաբերական իմաստով որևէ բան ասել չեմ ցանկանում, բայց ԱՄՆ կողմից չհաստատված որոշ նախագծերի համար շնորհակալություն եմ հայնտում, քանի որ այդ իրավիճակը մեզ առաջնորդեց մեր սեփական համակարգեր ստեղծելու ուղղությամբ»,-ասել է Թուրքիայի ռազմարդյունաբերության պետը՝ ընդգծելով, որ ԱՄՆ-ի կողմից հարվածային ԱԹՍ-ների նախագծի մերժումից հետո Թուրքիան միայնակ է ստեղծել այդ համակարգերը:
Ըստ Դեմիրի՝ Թուրքիան սեփական հարվածային ԱԹՍ-ների արտադրության ուղղությամբ լուրջ քայլեր սկսել է ձեռնարկել 2013 թվականից, երբ ԱՄՆ Կոնգրեսը չահաստատեց «ահաբեկչության դեմ պայքար մղող ՆԱՏՕ անդամ Թուրքիային հարվածային ԱԹՍ-ների և կառավարվող այլ զինատեսակների վաճառքը»:
Դեմիրը, խոսելով Թուրքիայի ռազմարդյունաբերության հետագա ծրագրերի մասին, ընդգծել է, որ 2020 թվականին Թուրքիան մոտ կլինի սեփական ռազմական ինքնաթիռները արտադրելուն:
«Այս հարցում Թուրքիան միջազգային կազմակերպությունների հետ կհամագործակցի, սակայն որևէ պայմանագրով իր գործողությունները սահամանփակող կետեր չի ցանկանում ունենալ»:
Այս ենթաբաժնի վերջին նորությունները
Մայիսի 8-ին Թուրքիայի նախագահն անդրադարձել է «Քուրդիստանի բանվորական կուսակցության» հնարավոր ինքնալուծարմանը:
Օրակարգում են երկու երկների միջև ուղիղ բախման վտանգի կանխումն ու Սիրիայում Թուրքիայի կողմից իրականացվող գործողությունները:
Թուրքիայի նախագահը հեռախոսազրույց է ունեցել Պակիստանի վարչապետի հետ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |