Քրդերի դեմ մարտերում թուրք ուժայինները վերջին 10 ամսում տվել են 483 զոհ

Տարածաշրջան08:40, 24 Մայիս 2016

Քրդերի դեմ մարտերում թուրք ուժայինները վերջին 10 ամսում տվել են 483 զոհ

Քուրդ զինյալների իրականացված ռազմական օպերացիաների վերջին 10 ամսվա արդյունքները թվերով ներկայացրել է թուրքական «Yeni safak» թերթի կայքը: Քրդերի պայքարը պաշտոնական Անկարան դիտում է որպես անջատողականություն, իսկ նրանց գործողությունները՝ ահաբեկչություն:

Ըստ պաշտոնական տվյալների՝ վերջին 10 ամսվա ընթացքում իրականացված ռազմագործողությունների ժամանակ վնասազերծվել է 7.078 քուրդ գրոհային: Այս թիվը ներառում է նաև Հյուսիսային Իրաքում իրականացված գործողությունները: Բուն Թուրքիայի տարածքում 2015թ. հուլիսի 24-ից մինչև հիմա կատարված գործողությունների ընթացքում սպանվել է 2.583 զինյալ, 109-ը՝ վիրավորվել: Նույն ժամանակահատվածում ձերբակալվել է 731-ը, հանձնվել՝ 214-ը:

Նույն ժամանակահատվածում թուրք ուժայինները տվել են 483 զոհ և 2.859 վիրավոր:

Իրաքի հյուսիսում ավիահարվածների հետևանքով 2015-ին սպանվել է 1335 քուրդ զինյալ, 310-ը վիրավորվել է, իսկ 2016-ին սպանվել է 1031-ը, վիրավորվել 328-ը:

Նույն ժամանակահատվածում սպանվել է Թուրքիայի 483 անվտանգության աշխատակից, որոնցից 286-ը՝ զինվոր, 178-ը՝ ոստիկան, 9-ը գյուղի պահակազորի անդամ: Վիրավոր անվտանգության աշխատակիցների թիվը հասնում է 2.859-ի, որից 1.568-ը՝ զինվոր, 1.257-ը՝ ոստիկան, 34-ը՝ գյուղի պահակազորի անդամ:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։