Թուրքիայի նոր վարչապետը տնտեսության գերակա ուղղություն է հռչակել արտադրությունը

Տարածաշրջան12:38, 24 Մայիս 2016

Թուրքիայի նոր վարչապետը տնտեսության գերակա ուղղություն է հռչակել արտադրությունը

Թուրքիայի իշխող «Արդարություն և զարգացում կուսակցություն» (AKP-ԱԶԿ) կուսակցության նախագահ և նոր վարչապետ Բինալի Յըլդըրըմը, կառավարության կազմի հաստատվելուց հետո, ելույթով է հանդես եկել կուսակցության ժողովին:

Ըստ թուրքական «Sabah» թերթի կայքի` Յըլդըրըմը, խոսելով տնտեսության մասին ասել է, որ այն պետք է զարգացնել գլխավորապես արտադրության ընդլայնման միջոցով:

«Տնտեսություն ասելով` չպետք է բանկ կամ փող հասկանալ, տնտեսություն ասելով` պետք է հասկանալ արտադրություն»,- ասել է նոր վարչապետը:

Նա նաև նշել է, որ պետական կարևորության առաջնահերթություններից է երիտասարդների աշխատանքային զբաղվածությունն ապահովելը, ինչպես նաև Թուրքիայի բոլոր շրջաններում ներդրումների համար նպաստավոր պայմաններ ստեղծելը:

Յըլդըրըմը խոսել է նաև քաղաքացիների միջև եկամուտների հնարավորինս արդար բաշխման ու ամենատարբեր ոլորտներին աջակցելու մասին` ևս մեկ անգամ շեշտելով, որ առաջին և անխուսափելի առաջնահերթությունը Թուքրիայի տնտեսությունը արտադրության շնորհիվ հզորացող տնտեսության վերածելն է:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։