Տարածաշրջան07:45, 21 Մայիս 2016
Թուրքիան սեփական արտադրության 3 հրաձգային զենք կավելացնի իր սպառազինությանը
Թուրքիայում ավարտին են մոտենում տեղացի ինժեներների նախագծած 3 տարբեր հրաձգային զենքերի սերիական արտադրության պատրաստությունները, որոնք պետք է ներառվեն երկրի զինված ուժերի սպառազինության մեջ:
Ըստ թուրքական «Memurlar.net» լրատվական կայքի` տեղական ինքնաձիգի (MPT-55) և դիպուկահար հրացանի (KNT-76) սերիական արտադրությունը կսկսվի այս տարի, իսկ գնդացրի արտադրությունը` հաջորդ տարվա վերջում:
Քիմիական և մեխանիկական արդյունաբերության խորհրդի զենքի գործարանի հետազոտությունների և արտադրության բաժնի ղեկավար Սելիմ Իյիիշը տեղեկություններ է ներկայացրել արտադրվելիք զենքերի մասին: Ըստ այդմ` MPT-55 ինքնաձիգը կունենա 2 մոդել, առաջինը կլինի ավելի կարճ, կունենա 2.9 կգ քաշ, 1 րոպեի ընթացքում կկատարի 750 կրակոց, իսկ առավել արդյունավեր կրակի նշանառության հեռավորությունը կլինի 400 մետր: Նույն ինքնաձիգի երկար մոդելը կկշռի 3.2 կգ և կունենա արդյունավետ կրակի առավել մեծ հեռավորություն:
KNT-76 դիպուկահար հրացանը նախատեսված է լինելու առանձին խմբերի ու ջոկերի համար: 7.62 մմ տրամագծով փամփուշտներ կրակող հրացանը կարողանում է 5 փամփուշտից 4-ով խոցել թիրախի նույն կետը` 1.5 սմ առավելագույն շեղումով: Նշվում է, որ զինված ուժերի կողմից 4.6 կգ կշռող այս հրացանի համար 570 հատ նախնական պատվեր է տրվել:
Իսկ թուրքական արտադրության գնդացիրն ունենալու է 8 կգ ծանրություն և րոպեում կրակելու է 750 փամփուշտ: Նախագիծը դեռ հաստատման փուլում է, արտադրությունը սկսվելու է 2017-ի վերջին:
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքական մամուլում որպես պատճառ նշվում է իրանական նավթի ներկրումը:
Ինչպես հայտնում են ոլորտի մասնագետներն ու գիտնականները, այն երկիր մոլորակի մակերևույթին կհասնի մայիսի 8-ից 14-ն ընկած ժամանակահատվածում:
Իմամօղլուի փաստաբանը պարզաբանել է, թե ինչու է դատական գործընթաց սկսելու համար ընտրվել հենց մայիսի 6-ը։
Թուրքիայի արդարադատության նախարարությունը տվյալներ է հրապարակել դատապարտյալների թվի վերաբերյալ։
«Ես չեմ տեսնում ոչ մի նշան, որ իրավիճակը կգնա դեպի լավը»,- հավելել է Էքրեմ Բաքին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |