Տարածաշրջան09:02, 17 Մայիս 2016
Թուրքերը ռուսական հետք են փնտրում PKK-ի կողմից իրենց ուղղաթիռը խոցելու մեջ
Թուրքական մամուլում ուշագրավ հոդված է հայտնվել մայիսի 13-ին Չուքուրջայում«Քուրդիստանի բանվորական կուսակցության» (ՔԲԿ-PKK) զինյալների կողմից SA-18 հրթիռով Թուրքիայի օդուժի Kobra ուղղաթիռի խոցման վերաբերյալ:
Այդ առնչությամբ թուրքական «Vatan» թերթին հարցազրույց է տվել Թուրքիայի ԶՈւ հատուկ ստորաբաժանման պահեստազորի սպա, անվտանգության փորձագետ Աբդուլլահ Աղարը:
Վերջինս պնդել է, որ PKK-ի կողմից համացանցում հրապարակված ուղղաթիռի խոցման տեսանյութից պարզ է դառնում, որ այն խոցվել է նույն մոդելի հրթիռով, ինչն իր ուսին կրել էր դեռևս դեկտեմբերին Բոսֆորի նեղուցով անցնող ռուսական ռազմանավի տախտակամածին կանգնած զինվորը:
Աղարը նշել է, որ տեսանյութից երևում է, թե ինչպես է քուրդ գրոհայինն օգտագործում ռուսական SA սերիայի (SA-7 Grail / Strela - 2, SA-18 կամ SA-24) կառավարվող հրթիռը: Դա բավական ժամանակակից հրթիռ է և այժմ ներառված է ռուսական բանակի սպառազինության մեջ, ինչն էլ մտածելու տեղիք է տալիս, թե ինչ ճանապարհով է այն հայտնվել քուրդ զինյալների ձեռքում:
Աղարը համոզված է, որ դեկտեմբերին ռուսական ռազմանավի վրա այդ հրթիռի ցուցադրումն անկասկած ինչ-որ ուղերձ էր պարունակում, սակայն Թուրքիան այժմ պետք է գտնի հետևյալ հարցի պատասխանը. «Արդյո՞ք այս իրավիճակը Ռուսաստանի կողմից PKK-ին ուղղակի աջակցելու ցուցանիշն է, թե՞ մեկ այլ օտար երկրի հատուկ ծառայություններն են քրդերին տարամադրել այդ զենքը ռուսական աջակցության պատկեր ստեղծելու համար»:
Այս ենթաբաժնի վերջին նորությունները
Թուրքիայի նախագահը նշել է, որ շարունակում են աջակցել Հարավային Կովկասում կայուն խաղաղություն հաստատելու ջանքերին։
Տեղացիները նշում են, որ նախկինում գյուղից-գյուղ գնում էին նավակով, իսկ այժմ՝ ոտքով։
Սա միջին հաշվով նշանակում է օրական շուրջ 100, իսկ ժամում՝ 4 երկրաշարժ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Նեմրութ լեռան սրբավայրը կառուցել է հայկական Կոմմագենեի թագավորության Անտիոքոս Ա Երվանդունի արքան։
Թեմային անդրադարձել է Թուրքիայի պաշտպանության նախարար Յաշար Գյուլերը։
Թուրքիայի իշխանությունների «ահաբեկչության դեմ պայքարի» քաղաքականությունը զգալիորեն ընդլայնել է էրդողանական վարչակարգի լեգիտիմության հիմքերը։
Նշվում է, որ մինչև 2030-ը Թուրքիան կլինի ջրային ռեսուրսներով աղքատ երկրներից մեկը։
Մինչ օրս այդ անվանակարգում դեռ ոչ մի թուրքական ֆիլմ չի հայտնվել լավագույն հնգյակում:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |