Ցեղասպանություն07:19, 03 Մայիս 2016
Թուրքիայի դեսպանը զգուշացրել է Գերմանիային, որ Ցեղասպանության ճանաչումը ոչ մի օգուտ չի բերի
Բեռլինում Թուրքիայի դեսպան Հյուսեյին Ավնի Կարսլըօղլուն զգուշացրել է Գերմանիային. Հայոց ցեղասպանության ճանաչումը ոչ մի օգուտ չի տա: Նա հայտարարել է, թե պատմական դեպքերի քննարկումը խորհրդարանների անելիքը չէ:
Թուրքական «Sondakika.com» լրատվակայքի տեղեկացմամբ՝ դեսպանն ուշադրություն է հրավիրել այն հանգամանքի վրա, որ «ցեղասպանություն» տերմինը ձևակերպվել է Ժնևի պայմանագրի շրջանակներում: Ըստ նրա՝ քաղաքական գործիչները նման հարցերի շուրջ որոշումներ կայացնելիս կարող են առաջնորդվել քաղաքական կամ կրոնական դրդապատճառներով:
Կարսլըօղլուի կարծիքով՝ եթե դաշնային Գերմանիայի խորհրդարանը ճանաչի Հայոց ցեղասպանությունը, ապա դա դժվար թե դրական ազդեցություն ունենա Հայաստան-Թուրքիա հարաբերությունների կարգավորման գործընթացի վրա: Թուրքիայի դեսպանն առաջարկել է ցեղասպանությունը ճանաչելու փոխարեն խրախուսել կողմերին՝ խնդիրն ուսումնասիրելու նպատակով համատեղ պատմական հանձնաժողով ստեղծելու համար:
Ցեղասպանության ճանաչմանն ուղղված բանաձևի մշակման աշխատանքները դեռևս շարունակվում են: Օրեր առաջ «Սոցիալ -դեմոկրատական» կուսակցության խորհրդարանական խմբի նախագահ Թոմաս Օպերմանը լրատվամիջոցների հետ զրույցում ասել էր. «Հունիսի 2-ին դաշնային խորհրդարանը կընդունի, որ առաջին համաշխարհային պատերազմի ժամանակ հայերի զանգվածային կոտորածներն ու տեղահանությունները հենց ցեղասպանություն են եղել»:
Հայոց ցեղասպանության ճանչման խնդիրն անցյալ տարի էլ Գերմանիայի դաշնային խորհրդարանի օրակարգ էր բերվել, սակայն կոալիցիոն ուժերը խոչնդոտել էին թեմայի քվեարկությունը: Գերմանիայի նախագահ Յոահիմ Գաուկը և խորհրդարանի նախագահ Նորբերթ Լամերտը Ցեղասպանության 100-ամյակին նվիրված իրենց ելույթների ժամանակ ճանաչել են Հայոց ցեղասպանությունը:
Այս ենթաբաժնի վերջին նորությունները
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ստեղծագործության տեսահոլովակը նկարահանվել է Ստամբուլի Բեշիքթաշի Սուրբ Աստվածածին հայկական եկեղեցում:
2025-ի հուլիսի տվյալներով՝ միլիոնատերերի թիվը 1 տարվա ընթացքում ավելացել է 775 հազարով՝ հասնելով 2․367000-ի։
Իսրայելի զինված ուժերում շուրջ 20 տարի ծառայած, այժմ Երուսաղեմի ռազմավարության և անվտանգության ինստիտուտը ղեկավարող Էրան Լերմանը խոսել է Իսրայել-Թուրքիա հնարավոր առճակատման մասին։
Իսրայելական մամուլը գրում է, որ Իսրայելի ազգային անվտանգության նախարարին ցանկացել են սպանել Թուրքիայից ստացված հրամանի հիման վրա։
Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |