Ցեղասպանություն07:25, 26 Ապրիլ 2016
Շվեդիայում Թուրքիայի դեսպանատունը պահանջել է եթերից հանել Ցեղասպանության մասին վավերաֆիլմը
Թուրքիայի դեսպանատունը Շվեդիայում պահանջել է եթերից հեռացնել Օսմանյան կայսրությունում հայերի, ասորիների և այլ ազգային փոքրամասնությունների ցեղասպանության մասին պատմող փաստագրական ֆիլմը: «Sputnik News»-ի թուրքական ծառայության փոխանցմամբ՝ այս մասին տեղեկացրել է շվեդական «TV4» հեռուստաընկերությունը:
Համաձայն հեռուստաընկերության ծրագրերի տնօրեն Վիվեկա Հանսոնի հրապարակած հայտարարության՝ Թուրքիայի դեսպանատունը ճնշում է գործադրել հեռուստաընկերության վրա՝ ստիպելով վերանայել վավերաֆիլմի հեռարձակման որոշումը: Նման պահանջ է ներկայացրել Թուրքիայի դեսպանատան մամուլի կցորդ Արիֆ Գյուլենը՝ էլեկտրոնային փոստի միջոցով:
Ապրիլի 24-ի երեկոյան «TV4»-ն , այնուամենայնիվ, եթեր է հեռարձակել «Seyfo-1915. ասորիների ցեղասպանությունը» փաստավավերագրական ֆիլմը: Հանսոնը «TV4» հեռուստաընկերության անունից հայտարարել է, որ իրենք նման պահանջները երբեք հաշվի չեն առել և դեմ են մամուլի ազատությունը սահմանափակող նմանատիպ ճնշումների կիրառմանը:
Թուրք գործչի պահանջի հիմքում եղել է այն հանգամանքը, որ ֆիլմում օգտագործվում է ցեղասպանություն բառը, մինչդեռ, ըստ Գյուլենի, «միայն իրավասու միջազգային դատարանը կարող է որոշել՝, թե դա արդյոք ցեղասպանություն է»:
Իսկ Շվեդիայի խորհրդարանի պատգամավոր և Ձախերի կուսակցության նախագահ Յունաս Շյոսթեդը միջադեպ առթիվ հայտարարել է. «Կառավարությունը պետք է խիստ մոտեցում ցուցաբերի նմանօրինակ քայլերի դեմ: Պետք է հետ կանչել դեսպանին՝ հասկացնելու համար Անկարային, որ այն վատ վերաբերմունքը, որ Թուրքիայում ցուցաբերվում է մամուլի նկատմամբ, Շվեդիայում կրկնել չեն կարող»,- ասել է պատգամավորը:
Այս ենթաբաժնի վերջին նորությունները
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ստեղծագործության տեսահոլովակը նկարահանվել է Ստամբուլի Բեշիքթաշի Սուրբ Աստվածածին հայկական եկեղեցում:
Իսրայելի զինված ուժերում շուրջ 20 տարի ծառայած, այժմ Երուսաղեմի ռազմավարության և անվտանգության ինստիտուտը ղեկավարող Էրան Լերմանը խոսել է Իսրայել-Թուրքիա հնարավոր առճակատման մասին։
2025-ի հուլիսի տվյալներով՝ միլիոնատերերի թիվը 1 տարվա ընթացքում ավելացել է 775 հազարով՝ հասնելով 2․367000-ի։
Իսրայելական մամուլը գրում է, որ Իսրայելի ազգային անվտանգության նախարարին ցանկացել են սպանել Թուրքիայից ստացված հրամանի հիման վրա։
Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |