Թուրքիայի նախագահի մամուլի խոսնակն անդրադարձել է Հայոց ցեղասպանությանը

Ցեղասպանություն09:57, 25 Ապրիլ 2016

Թուրքիայի նախագահի մամուլի խոսնակն անդրադարձել է Հայոց ցեղասպանությանը

Թուրքիայի նախագահի մամուլի խոսնակ Իբրահիմ Քալընը ապրիլի 25-ին կազմակերպված մամուլի ասուլիսի ժամանակ անդրադարձել է Հայոց ցեղասպանության թեմային: Ասուլիսն ուղիղ եթերով հեռարձակվել է թուրքական «Akşam» թերթի կայքում: Քալընը մասնավորապես հետևյալ հայտարարությունն է արել.

«Որոշ մարդիկ ցեղասպանության մասին ստերով կարող են փորձել միմյանց դեմ հանել թուրքերին ու հայերին: Բայց մենք շարունակելու ենք շեշտը դնել մեր ունեցած ընդհանուր եղբայրության վրա: Այն շրջանում տեղի ունցած դեպքերը պետք է դիտարկվեն զուտ որպես ընդհանուր վիշտ: Ապագային պետք է նայել բարեկամության դիրքերից»:

Թուրքիայի նախագահի խոսնակը տեղեկացրել է, որ նախագահ Ռեջեփ Թայիփ Էրդողանը մեկնելու է Ադրբեջան, որտեղ երիտասարդական ֆորում է կազմակերպվելու: Բացումն ապրիլի 26-ին կատարելու է Թուրքիայի նախագահը:

Աղբյուր` Ermenihaber.am

Այս ենթաբաժնի վերջին նորությունները

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։

12:51, 25 ապր

Անկարայի քաղաքապետ. «Մերժում ենք Թրամփի, բոլոր նրա նախորդների և մյուս արևմտյան առաջնորդների ապրիլքսանչորսյան հայտարարությունները»

Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։