Ցեղասպանություն08:12, 24 Ապրիլ 2016
«Նոր Զարթոնք»-ի պահանջը Թուրքիայից. ճանաչում, ներողություն, փոխհատուցում
Թուրքիայում գործող հայկական «Նոր Զարթոնք» հասարակական կազմակերպությունը Հայոց ցեղասպանության 101-րդ տարելիցի կապակցությամբ հանդես է եկել հայտարարությամբ և Թուրքիայի կառավարության ուղղված պահանջներով:
Թուրքական «Evrensel.net» լրատվակայքի տեղեկացմամբ՝ կազմակերպության տարածած հայտարարության մեջ մասնավորապես ասված է. «Ցեղասպանություն հանցագործության վերջին օղակը և հանցանքի շարունակականության ամենակարևոր դրսևորումը ցեղասպանության հերքումն է:
Իր ողջ ունեցվածքն ու գոյությունը մարդկության դեմ գործված այս հանցանքի վրա կառուցած Թուրքիայի հանրապետությունը վճռականորեն շարունակում է ոչնչացման, հերքման և ձուլման քաղաքականություն վարել: Այսօր ստեղծված իրավիճակում կոպիտ ժխտողական քաղաքականությանը փոխարինելու է գալիս մի նոր ժխտողական քաղաքականություն, որի շրջանակներում փորձ է արվում ցեղասպանությունը մոռացության տալ «ցավակցության» անվան տակ»:
«Նոր Զարթոնք»-ի ներկայացուցիչներն ընդգծում են, որ նախորդ տարիներին Թուրքիայում Հայոց ցեղասպանության տարելիցի առթիվ կազմակերպված միջոցառումները մեծ կարևորություն ունեն՝ երկրում ապրող տարբեր ազգերի միջև հուզական կապ հաստատելու և համատեղ պայքար մղել սովորելու տեսակետից: Սակայն, նրանց կարծիքով, այս միջոցառումները չպետք է վերածվեն «խղճի անհատական ինքնամաքրման» գործընթացի:
«Մենք ոչ թե խղճահարություն ենք ուզում, այլ՝ արդարություն: Պետությունը պետք է առերեսվի մարդկության դեմ գործած բոլոր այն հանցագործությունների հետ, որոնց վրա կառուցվել է, և հատկապես՝ Հայոց ցեղասպանության հետ», - ասված է հայտարարությունում:
Հայկական կազմակերպությունը նաև ներկայացրել է իր պահանջերը ՝ ուղղված Թուրքիայի կառավարությանը: Դրանք են.
- Ընդունել,որ տեղի ունեցածը ցեղասպանություն է և ներողություն խնդրել:
- Սփյուռքի այն հայերին, ովքեր սերում են այս հողերից, առանց որևէ պայմանի քաղաքցիություն շնորհել:
- Թուրքիան պետք է առանց նախապայմանների բացի հայ-թուրքական սահմանը, որը միակողմանիորեն փակել է:
- Մամուլում և դասագրքերում ցեղասպանագործների մատնանշում , հերքման քաղաքականությունը շարունակողների մատնանշում և նրանց հետ ամեն տեսակ համագործակցության դադարեցում:
- Վերանորոգել և վերադարձնել հայերին պատկանող դպրոցների, հիվանդանոցների, եկեղեցիների և նմանատիպ այլ հասարակական կառույցները:
- Հետաքննել Թուրքիայի բուրժուազիայի՝ 1915թ. հետո կուտակած ունեցվածքը և փոխհատուցել ցեղասպանության ենթարկվածների կրած վնասները:
- Լուծարել Ցեղասպանության հերքման քարոզչության համար հիմնված բոլոր կազմակերպությունները և պետության կողմից ժխտման քաղաքականության շրջանակներում ծախսվող բյուջեն տրամդրել առերեսման նպատակին:
- Ճանաչել Թուրքիայի բոլոր ժողովուրդների հավաքական իրավունքները և ապահովել այդ ժողովուրդների՝ համատեղ ու խաղաղ ապրելու համար անհրաժեշտ պայմանները:
Նաև նշվում է, որ միայն այս պահանջների իրագործման համար մղվող պայքարը կարող է կանխարգելել մերօրյա նոր ցեղասպանությունները:
Այս ենթաբաժնի վերջին նորությունները
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ստեղծագործության տեսահոլովակը նկարահանվել է Ստամբուլի Բեշիքթաշի Սուրբ Աստվածածին հայկական եկեղեցում:
Իսրայելի զինված ուժերում շուրջ 20 տարի ծառայած, այժմ Երուսաղեմի ռազմավարության և անվտանգության ինստիտուտը ղեկավարող Էրան Լերմանը խոսել է Իսրայել-Թուրքիա հնարավոր առճակատման մասին։
2025-ի հուլիսի տվյալներով՝ միլիոնատերերի թիվը 1 տարվա ընթացքում ավելացել է 775 հազարով՝ հասնելով 2․367000-ի։
Իսրայելական մամուլը գրում է, որ Իսրայելի ազգային անվտանգության նախարարին ցանկացել են սպանել Թուրքիայից ստացված հրամանի հիման վրա։
Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |