Ցեղասպանություն15:56, 24 Ապրիլ 2016
Թուրքիայի Մարդու իրավունքների միությունը Ցեղասպանության հիշատակի միջոցառում է անցկացրել
Թուրքիայի «Մարդու իրավունքների միությունը» (İHD) Հայոց ցեղասպանության 101-րդ տարելիցի կապակցությամբ Ստամբուլում հիշատակի միջոցառում է կազմակերպել:
Թուրքական «Sözcü.com» լրատվակայքի տեղեկացմամբ՝ միջոցառմանը İHD-ի ղեկավարներից ու անդամներից բացի մասնակցել են նաև ֆրանսիացի սենատոր և հայ-ֆրանսիական բարեկամության խմբի ղեկավար Ֆիլիպ Քալթենբախը, Եվրախորհրդարանի պատգամավոր Ժյուլի Վարդը, Եվրոպական հասարակական հակառասիստական շարժման նախագահ Բենջամին Աբդանը: Միջոցառումը սկսվել է նավակով երթով, որի ընթացքում Լեման Շթեհնը հնչեցրել է հայերեն շարականներ: Միջոցառման մասնակիցները կրել են Ցեղասպանությանը զոհ գնացած հայ մտավորականների լուսանկարները:
Հայդարփաշա կայարանում միջոցառման մասնակիցները երեք լեզվով՝ հայերեն, թուրքերեն և անգլերեն մամուլի հաղորդագրություն են հրապարակել: Թուրքերեն տեքստը ներկայացրել է İHD-ի իրավապաշտպաններից Էրեն Քեսքինը: Հաղորդագրության տեքստում մասնավորապես ասված է.
«101 տարի առաջ այս օրը՝ 1915թ. ապրիլի 24-ին, սկիզբ առան հայ մտավորականների ձերբակալությունները: Հայ բնակչության բոլոր խավերի ներկայացուցիչները, մասնավորապես մտավորականները, բանաստեղծները, գրողները, լրագրողնները Սարայբուրնուից նավերով բերվեցին այստեղ՝ Հայդարփաշա: Ապա տարվեցին Անատոլիայի խորքերը՝ դեպի մահ: Շատ քիչ թվով մարդիկ կարողացան փրկվել: Նրանցից շատերը սպանվեցին: Ցեղասպանության գործընթացը, ըստ էության, այդ ձերբակալություններով սկսվեց»:
Հայտարարությունում նաև նշվել է, որ ըստ Պոլսո հայոց պատրիարքարանի տվյալների՝ Օսմանյան կայսրությունում շուրջ 2 մլն հայ էր բնակվում: Նրանք զբաղեցնում էին 2.925 բնակավայր՝ քաղաքներ, գյուղեր, շրջաններ: Հայկական համայնքն ուներ 996 դպրոց, որոնցում սովորում էր 173.000 աշակերտ: Գործում էին նաև 2.538 եկեղեցի և վանական համալիր:
«Ահա այսպիսի աշխույժ հայկական համայնքը և իր հասարակական կյանքը ոչնչացվեց», - ասված է İHD -ի հայտարարությունում:
Հաղորդագրության տեքստի հրապարակումից հետո մեկ րոպե լռությամբ հարգվել է Հայոց ցեղասպանության սուրբ նահատակների հիշատակը, ապա ևս մեկ անգամ հնչեցվել են հայերեն երգեր և զոհերի հիշատակին մեխակներ են նետվել ծով:
Այս ենթաբաժնի վերջին նորությունները
Բասքըն Օրանը, մի քանի օրինակներով համեմատելով անցյալն ու ներկան, պարզ ցույց է տալիս թուրքական պետական քարոզչության ողջ սնանկությունը։
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Մինչ Թուրքիայի հայերը պետք է ապրեն ժխտողական այս մթնոլորտում, աշխարհասփյուռ հայերը ստիպված են դիմանալ իրենց ընտանքի մեծերի հիշողությունների մշտական ցավին՝ հեռու իրենց նախնիներից ու հողերից։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ըստ Մուրթա Բարդաքչըի՝ հայ և թուրք ժողովուրդների միջև «արյուն» է մտել, իսկ արյունը Արևելքում երբեք չի մոռացվում:
ԱՄՆ ֆինանսների և պետդեպարտամենտի կողմից հայտարարված նոր պատժամիջոցներն ընդհանուր առմամբ ուղղված են մոտ 300 ընկերությունների, անհատների և կազմակերպությունների դեմ:
Սպիտակ տունն օգտագործել է այս միջոցը՝ փորձելով արգելափակել այնպիսի ապրանքների առևտուրը, ինչպիսիք են միկրոչիպերը, որոնք ռուսական արդյունաբերությանն անհրաժեշտ են զենք ստեղծելու համար:
Տնտեսական համագործակցության և զարգացման կազմակերպությունը (OECD) հրապարակել է Թուրքիայի գնաճի կանխատեսումների վերաբերյալ զեկույց։
Թուրքիայի արտգործնախարարի հայտարարությունը մեծ արձագանք է գտել համաշխարհային մամուլում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |