Թուրքիան փորձում է խափանել Ցեղասպանության հիշատակին նվիրված համերգը

Ցեղասպանություն15:51, 23 Ապրիլ 2016

Թուրքիան փորձում է խափանել Ցեղասպանության հիշատակին նվիրված համերգը

Թուրքիան փորձել է խափանել Հայոց ցեղասպանության հիշատակին նվիրված համերգը: Գերմանական «Deutsche Welle» պարբերականի թուրքական ծառայության համաձայն՝ Դրեզդենի սիմֆոնիկ նվագախումբը Հայոց ցեղասպանության տարելիցի առթիվ «Աղետ» խորագրով համերգ է անցկացնելու: Սակայն Թուրքիան դեմ է արտահայտվել համերգին՝ փորձելով արգելել այն և ճնշում գործադրել կազմակերպիչների վրա:

Դրեզդենի սիմֆոնիկ նվագախմբի հիմնադիր ղեկավար Մարկուս Ռինդտը թեմայի վերաբերյալ հայտարարություն է կատարել: Ըստ այդմ՝ Թուրքիայի Եվրամիության դեսպանը պահանջել է, որ դադարեցվի միջազգային նախագծերին ցուցաբերվող աջակցությունը: Ռինդտը նշել է, որ հիշատակի միջոցառման խափանմանն ուղղված այդ նախաձեռնությունը «բռնություն է խոսքի ազատության դեմ»:

Դրեզդենի «Neuste Nachrichten» թերթի փոխանցմամբ՝ նախագծի համար պատասխանատու Եվրախորհրդի կրթամշակութային գործակալությունը, չնայած այս ամենին, շարունակում է աշխատել նախագծի վրա:

Իսկ Դրեզդենի սիմֆոնիկ նվագախմբի ղեկավարը շեշտել է, որ Թուրքիայից եկած ճնշումներից հետո համերգի մասին ինֆորմացիան հանվել է գործակալության պաշտոնակայքից: Ռինդտը նշել է, որ իրենք բացասաբար են վերաբերվում այդ հանգամանքին:

Աղբյուր` Ermenihaber.am

Այս ենթաբաժնի վերջին նորությունները

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։

12:51, 25 ապր

Անկարայի քաղաքապետ. «Մերժում ենք Թրամփի, բոլոր նրա նախորդների և մյուս արևմտյան առաջնորդների ապրիլքսանչորսյան հայտարարությունները»

Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։