Ցեղասպանություն07:14, 23 Ապրիլ 2016
Թուրքիայում մի շարք ՀԿ-ներ կհարգեն Հայոց ցեղասպանության 101-րդ տարելիցը
Հայոց ցեղասպանության 101-րդ տարելիցի կապակցությամբ Թուրքիայում մի շարք հիշատակի միջոցառումներ են անցկացվելու:
Թուրքական «evrensel.net» լրատվակայքի տեղեկացմամբ՝ նմանատիպ միջոցառումների ծրագրով են հադես եկել Թուրքիայի «Մարդու իրավունքների միությունը» (İHD), «Եվրոպական հասարակական հակառասիստական շարժումը» (EGAM), «Ընդդեմ ռասիզմի և ազգայնամոլության հարթակը» և հայկական «Նոր Զարթոնք» կազմակերպությունը:
Նշյալ կազմակերպությունների ներկայացուցիչներն իրենց ծրարգրերի մասին պատմել են Ստամբուլի «Ջեզայիր» նիստերի դահլիճում կազմակերպված մամուլի ասուլիսի ժամանակ:
Ապրիլի 24-ին հիշատակի միջոցառում կանցկացվի Ստամբուլի Հայդարփաշա երակաթուղային կայարանում, որտեղից 101 տարի առաջ անվերադարձ ուղևորության են մեկնել հայ մտավորականները: Միջոցառման ժամանակ կօգտագործվեն ցեղասպանությանը զոհ գնացած հայերի լուսանկարները, կհնչեցվեն հայկական շարականներ ու Կոմիտաս: Նույն օրը Շիշլիի հայկական գերեզմանատանը հարգանքի տուրք կմատուցվի թուրքական բանակում Ցեղասպանության տարելիցի օրը սպանված հայ Սևակ Բալըքչըի հիշատակին: Երեկոյան մեծածավալ հիշատակի միջոցառում կանցկացվի Ստամբուլի Թունել հրապարակում:
Ասուլիսի ժամանակ EGAM-ի փոխնախագահ Հարութ Փալանջյանը նշել է, որ Ցեղասպանության ժխտումը չի կարող փոխել իրականությունը:
«Թուրք մտավորականները մեկնել են Հայաստան և իրենց պապերի գործած հանցանքների համար ներում են խնդրել: Թուրքական պետությունն էլ պետք է նույն կերպ վարվի: Այլ ազգերի հետ հաշտության ուղին անցնում է սեփական պատմական սխալներն ընդունելու ճանապարհով»,-ասել է նա:
«Մարդու իրավունքների միության» փաստաբան Էրեն Քեսքինն ընդգծել է, որ ներկայիս Թուրքիան կառուցվել է ցեղասպանագործ գաղափարախոսության վրա, և մինչև օրս էլ փորձեր են արվում՝ այդ վայրագություններն օրինականացնելու: Իրավապաշտպանը նշել է, որ պետությունը կարող է մաքրագրվել ցեղասպանության մեղքից՝ եթե ճանաչի Հայոց ցեղասպանությունը և փոխհատուցի:
EGAM-ի մեկ այլ ներկայացուցիչ Բենիամին Աբթանը պատմել է, որ նախորդ տարի Թուրքիայում անցկացված հիշատակի միջոցառումները հույս էին ներշնչել, թե Թուրքիան կարող է ընթանալ ժողովրդավարացման ճանապարհով: Սակայն անցած մեկ տարվա ընթացքում երկրում տիրող լարվածությունը և պետության՝ սեփական ժողովրդի դեմ սանձազերծած պատերազմը ի չիք դարձրեցին բոլոր հույսերը:
«Այսուհետև ավելի ակտիվ պիտի գործենք Թուրքիայում: Միայն հիշատակի միջոցառումներով չպետք է բավարարվենք: Պիտի ավելի հզորացնենք Ցեղասպանության ճանաչմանն ուղված մեր պայքարը», - հավելել է Աբթանը:
Այս ենթաբաժնի վերջին նորությունները
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ստեղծագործության տեսահոլովակը նկարահանվել է Ստամբուլի Բեշիքթաշի Սուրբ Աստվածածին հայկական եկեղեցում:
Իսրայելի զինված ուժերում շուրջ 20 տարի ծառայած, այժմ Երուսաղեմի ռազմավարության և անվտանգության ինստիտուտը ղեկավարող Էրան Լերմանը խոսել է Իսրայել-Թուրքիա հնարավոր առճակատման մասին։
2025-ի հուլիսի տվյալներով՝ միլիոնատերերի թիվը 1 տարվա ընթացքում ավելացել է 775 հազարով՝ հասնելով 2․367000-ի։
Իսրայելական մամուլը գրում է, որ Իսրայելի ազգային անվտանգության նախարարին ցանկացել են սպանել Թուրքիայից ստացված հրամանի հիման վրա։
Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |