Ցեղասպանություն12:43, 18 Ապրիլ 2016
Թուրքիայում լույս է տեսել «Էրգանիի պատմության գաղտնի էջը. ՀԱՅԵՐ» գիրքը
Թուրքիայում լույս է տեսել գրող, լրագրող և հետազոտող Մուսլում Ուզուլմեզի «Էրգանիի պատմության գաղտնի էջը. ՀԱՅԵՐ» գիրքը:
Թուրքական «Cumhuriyet» թերթի կայքի տեղեկացմամբ՝ գիրքը հրատարակվել է «Իսմայիլ Բեշիքչի» հիմնադրամի հրատարակչության կողմից: Այն պատմում է Թուրքիայի Դիարբեքիր նահանգի նախկին հայաբնակ Էրգանի գավառի հայերի մասին. բնակավայրը մինչև 1915թ., Հայոց ցեղասպանության ընթացքում և կոտորածներից հետո՝ ավերակի վերածված վիճակում:
Գիրքը կազմելիս հեղինակն օգտվել է ինչպես այլ գրավոր աղբյուրներից, այնպես էլ ցեղասպանությունը վերապրածների հուշերից, անհատական հանդիպումներ է ունեցել Էրգանի գավառի հիմնադրամի ներկայացուցիչների հետ, գրառումներ արել նրանց պատմած հիշողությունների վերաբերյալ:
«1915թ. «Միություն և առաջադիմություն» երիտթուրքական կուսակցության ղեկավարությունը, ոտնատակ անելով ամեն տեսակ օրենք և օրենսդրություն, հայերի սպանություններին լայն ազատություն տվեց: Ցանկացողը կարող էր սպանել ցանկացած հայի կամ ցանկացած թվով հայի, թալանել նրանց ունեցած-չունեցածը: Գավառի ղեկավար բյուրոկրատներն ու զինվորները գավառի դավաճանների հետ կազմակերպեցին կոտորածը: Էրգանիի հնագույն ազգերից մեկը հանդիսացող հայերը ամենադաժան ձևով ցեղասպանության ենթարկվեցին: Իսկ տեղահանման օրենքով լիովին արմատախիլ արվեցին», - գրում է հեղինակը:
Ուզուլմեզը նշում է, որ կոտորածներից հետո գիտակցաբար, նպատակային կերպով ժողովրդին ներշնչվել էր այն համոզմունքը, թե հայերը շատ հարուստ են եղել: Դրա շնորհիվ հայերից մնացած ողջ նյութական, մշակութային ժառանգությունը (եկեղեցիներ, վանական համալիրներ, գերեզմանատներ, պատմական կառույցներ և այլն), դարձավ գանձախույզների, թալանչիների թիրախ: Կառավարությունն էլ իր հերթին աչք փակեց այդ ամենի վրա՝ նպաստելով հայկական ժառանգության անխնա ավերմանն ու ոչնչացմանը:
«Ցեղասպանության 101-րդ տարելիցին «Էրգանիի պատմության գաղտնի էջը. ՀԱՅԵՐ» գրքի հրատարակումը պետք է դիտել որպես անցյալի հետ առերսմանն ուղղված խորհրդանշական քայլ:
Արդեն պիտի առերեսվենք 100-ամյա ցավի հետ ու քննության ենթարկենք մեր խիղճը, - գրում է «Cumhuriyet»-ը՝ մեջբերում անելով գրքի 184-րդ էջից.
«Առաջին քայլը, որ պետք է անել, արդարացի մոտեցում որդեգրելն է և առանց վախենալու ցավի ու ամոթի մասին բարձրաձայնելը: Իսկ այդ պարտականությունն ու պատասխանատվությունը բոլոր քաղաքացիների անունից նախ և առաջ ընկնած է Թուրքիայի խորհրդարանի ուսերին»:
Այս ենթաբաժնի վերջին նորությունները
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ստեղծագործության տեսահոլովակը նկարահանվել է Ստամբուլի Բեշիքթաշի Սուրբ Աստվածածին հայկական եկեղեցում:
Իսրայելի զինված ուժերում շուրջ 20 տարի ծառայած, այժմ Երուսաղեմի ռազմավարության և անվտանգության ինստիտուտը ղեկավարող Էրան Լերմանը խոսել է Իսրայել-Թուրքիա հնարավոր առճակատման մասին։
2025-ի հուլիսի տվյալներով՝ միլիոնատերերի թիվը 1 տարվա ընթացքում ավելացել է 775 հազարով՝ հասնելով 2․367000-ի։
Իսրայելական մամուլը գրում է, որ Իսրայելի ազգային անվտանգության նախարարին ցանկացել են սպանել Թուրքիայից ստացված հրամանի հիման վրա։
Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |