08:42, 18 Ապրիլ 2016
Գյուլենականների հետ կապ ունենալու կասկածանքով Ստամբուլում ձերբակալվել է 101 մարդ
Ստամբուլ 9 թաղամասերում թուրքական ոստիկանությունը օպերացիա է իրականացրել, որի ընթացքում ձերբակալվել է 101 մարդ:
Թուրքական «haberler» լրատվական կայքի հաղորդմամբ` ձերբակալվածների մեջ բազմաթիվ են գործարարները և բանկիրները: Նրանք կասկածվում են Թուրքիայում ահաբեկչական համարվող «Զուգահեռ կառույցին» (գյուլենական շարժման հետևորդներ) անդամակցելու, ինչպես նաև ահաբեկչությունը ֆինանսավորելու մեջ: Հանրապետական դատախազության ներկայացրած տվյալների համաձայն` 20014-2015թթ 50մլն թուրքական լիրայի չափ աջակցություն է ցուցաբերվել ահաբեկչությանը, ընդ որում բարեգործության անվան տակ:
Նշվում է, որ ձերբակավածների շարքում են նաև Թուրքիայում գործող «Bank Asya»-ի աշխատակիցներից մի քանիսը, և «Dumankaya » շինարարական ընկերության նախագահ Հալիթ Դումանքայան:
Նման գործողությունները գյուլենականների դեմ սկսվել են դեռևս 2013 թվականի վերջից, երբ Թուրքիայում ծագած կոռուպցիոն սկանդալն ի հայտ էր բերել կառավարության անդամների կոռուպցիոն գործարքները: Թուրքիայի այն ժամանակվա վարչապետ Ռեջեփ Թայիփ Էրդողանը հայտարարել էր, որ սկանդալի հետևում կանգնած են իսլամի հայտնի քարոզիչ, ամերիկաբնակ թուրք միլիարդատեր Ֆեթուլլահ Գյուլենը և նրա հիմնած «Գյուլենական համայնքը»:
Հավելենք, որ «Գյուլենական համայնքն» անվանում են նաև հաճախ «Զուգահեռ կառույց» և նույնացնում ահաբեկչական կառույցի հետ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |