Գերմանիայում թուրքերը ստորագրահավաք են սկսել՝ ըդդեմ Հայոց ցեղասպանության ճանաչման

Ցեղասպանություն07:24, 09 Ապրիլ 2016

Գերմանիայում թուրքերը ստորագրահավաք են սկսել՝ ըդդեմ Հայոց ցեղասպանության ճանաչման

«Բեռլինի թուրքական համայնք» (TGB) անվանումով կազմակերպությունը «1915-ը ցեղասպանություն չէ» անվանումով ստորագրահավաք է սկսել:

Ըստ թուրքական «Zaman» թերթի կայքի` կազմակերպության նախագահ Բեքիր Յըլմազը հայտարարել է, որ իրենց ստորագրահավաքը պիտի դիտել որպես քաղաքական գործիչներին ուղղված ուղերձ:

Վերջինս, կրկնելով Հայոց ցեղասպանության վերաբերյալ Թուրքիայի ժխտողական թեզերը, ասել է. «Պատգամավորներն իրենց տրամադրության տակ բավարար ենթակառուցվածքներ չունեն 100 տարի առաջ տեղի ունեցած իրադարձություններն ուսումնասիրելու համար: Այդ պատճառով 1915-ին տեղի ունեցածները պետք է պատմաբաններն ուսումնասիրեն: Մենք ցանկանում ենք, որ խնդիրը մնա պատմաբանների ուսումնասիրության տիրույթում»:

Յըլմազը հայտարարել է նաև, որ այս ամիս Հայոց ցեղասպանության մասին բանաձև է բերվելու Գերմանիայի խորհրդարանի օրակարգ և դրվելու քվեարկության: Թուրքական համայնքի ներկայացուցիչներին նա կոչ է արել մասնակցել համացանցում կազմակերպվող ստորագրահավաքին:

Աղբյուր` Ermenihaber.am

Այս ենթաբաժնի վերջին նորությունները

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։

12:51, 25 ապր

Անկարայի քաղաքապետ. «Մերժում ենք Թրամփի, բոլոր նրա նախորդների և մյուս արևմտյան առաջնորդների ապրիլքսանչորսյան հայտարարությունները»

Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։