Ցեղասպանություն06:56, 02 Ապրիլ 2016
Թուրք մասնագետներն ուսումնասիրել են ՀՀ-ի պատմության դասագրքերը
Թուրքիայի գիտատեխնիկական հետազոտությունների կենտրոնը (TÜBİTAK) ուսումնասիրել է հայաստանյան դպրոցներում կիրառվող պատմության դասագրքերը: Թուրքական «Haberturk» լրատվակայքի տեղեկացմամբ՝ ուսումնասիրության արդյունքները ներկայացվել են հատուկ հաշվետվությամբ: TÜBİTAK- մասնավորապես ուշադրություն է դարձրել Հայոց ցեղասպանության թեմայի ներկայացմանը հայկական դասագրքերում և արձանագրել, որ թուրքերի մասին խոսվում է որպես «թշնամու» և «եղեռնագործի»:
Թուրքական Յըլդըրըմ Բեյազըթ համալսարանի հայոց լեզվի և գրականության բաժնի ղեկավար, պրոֆեսոր Յըլդըզ Դևեջի Բոզքուշը հայ աշակերտների շրջանում նաև հատուկ հարցում է անցկացրել: Թուրք պրոֆեսորը նշում է, որ Հայոց պատմության դասագրերի հեղինակների մեծ մասը կողմ է իրադարձությունների անկողմնակալ նկարագրմանը:
Բոզքուշն ընդգծում է նաև, որ, օրինակ, թուրքական դասագրքերում վերջին 10 տարվա ընթացքում թեմայի վերաբերյալ որոշ մեղմացում է նկատվում: Եթե նախկինում օգտագործվում էր «այսպես կոչված Հայոց ցեղասպանություն» արտահայտությունը, ապա նոր դասագրքերում կարելի է հանդիպել «1915թ. դեպքեր», «արդար հիշողություն», «կարգավորում», «ցավակցական ուղերձ», «հիշատակման արարողություններ» արտահայտություններին:
Բոզքուշի կարծիքով անհրաժեշտ է վերանայել երկու երկրներում պատմական դասագրքերի բովանդակությունը և դրանցից հանել աշակերտների մոտ «օտարի» մասին պատկերացումներ ստեղծող բնութագրումները՝ նպաստելու համար երկրների միջև հարաբերությունների կարգավորմանը:
Թուրք պրոֆեսորի ուսումնասիրությունների արդյունքները շուտով լույս կտեսնեն գրքի տեսքով՝ «Թուրքի կերպարը հայկական պատմության դասագրքերում» վերնագրի ներքո:
Այս ենթաբաժնի վերջին նորությունները
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ստեղծագործության տեսահոլովակը նկարահանվել է Ստամբուլի Բեշիքթաշի Սուրբ Աստվածածին հայկական եկեղեցում:
Իսրայելի զինված ուժերում շուրջ 20 տարի ծառայած, այժմ Երուսաղեմի ռազմավարության և անվտանգության ինստիտուտը ղեկավարող Էրան Լերմանը խոսել է Իսրայել-Թուրքիա հնարավոր առճակատման մասին։
2025-ի հուլիսի տվյալներով՝ միլիոնատերերի թիվը 1 տարվա ընթացքում ավելացել է 775 հազարով՝ հասնելով 2․367000-ի։
Իսրայելական մամուլը գրում է, որ Իսրայելի ազգային անվտանգության նախարարին ցանկացել են սպանել Թուրքիայից ստացված հրամանի հիման վրա։
Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |