Տարածաշրջան12:36, 31 Մարտ 2016
Թուրքիայի մեջլիսը հաստատել է Ռուսաստանի հետ կնքած պայմանագիրը
Թուրքիայի մեջլիսի պաշտպանական հանձնաժողովը քննարկել է 2012-ի դեկտեմբերին Ռուսաստանի հետ կնքած պայմանագիրը, որը Ռուսաստանի տարածքում զոհված և հուղարկավորված թուրք զինվորականների և Թուրքիայի տարածքում զոհված ու հուղարկավորված ռուս զինծառայողների համար հուշարձան կանգնեցնելու հնարավորություն է ապահովելու:
Թուրքական «Milliyet» թերթի կայքը գրում է, որ պայմանագրի համար հիմք է հանդիսացել 2009թ. Թուրքիայի պաշտպանության նախարարության կողմից Ռուսաստանի իշխանություններին ուղղված դիմումը:
Դիմումով Թուրքիայի ՊՆ-ը 1-ին համաշխարհային պատերազմի տարիներին ռուսական գերիների ճամբարներում մահացած ու Կրասնոյարսկի շրջանում հուղարկավորված թուրք զինվորականների համար շրջանում զինվորական պանթեոն հիմնելու թույլտվություն էր պահանջել: Դիմումի մեջ պահանջվել է նաև Ռուսաստանի Վլադիվոստոկ, Պետրյովսկի և Կիրով քաղաքներում գտնվող թուրք զինվորականների գերեզմենների գործերը ուսումնասիրելու և այդ քաղաքներում մեկական հուշարձան կանգնեցնելու իրավունքի տրամադրում:
Այս պահանջից հետո էլ ռուսական կողմն առաջարկել էր երկու երկրների միջև նմանատիպ հարցերը կարգավորելու նպատակով «Թուրքիայի և Ռուսաստանի միջև Թուրքիայի հանրապետության տարածքում գտնվող ռուսական հուղարկավորման վայրերի և Ռուսաստանի Դաշնության տարածքում գտնվող թուրքական հուղարկավորման վայրերի վերաբերյալ» պայմանագիր ստորագրել:
Պայմանագիրը երկու երկրների միջև ստորագրվել է 2012 թվականի դեկտեմբերի 3-ին, սակայն մինչ այսօր կիրառության մեջ չի մտել:
Նշվում է, որ պայմանագրի կիրառման հետ կապված գործողությունները համակարգելու և ընդհանուր որոշում պահանջող թեմաները քննարկելու համար ստեղծվելու է ընդհանուր հանձնաժողով:
Այս ենթաբաժնի վերջին նորությունները
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Ճապոնիայի Առևտրի նախարարության հայտարարության համաձայն՝ որոշումը ուժի մեջ կմտնի սեպտեմբերի 19-ից։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |