Թուրքիայի մեջլիսի հայ պատգամավոըը հանդիպել է Ռումինիայի հայ համայնքի ներկայացուցիչների հետ

Հասարակական06:14, 31 Մարտ 2016

Թուրքիայի մեջլիսի հայ պատգամավոըը հանդիպել է Ռումինիայի հայ համայնքի ներկայացուցիչների հետ

Թուրքիայի գլխավոր ընդդիմադիր ուժ համարվող քեմալականների «Ժողովրդահանրապետական կուսակցության» (ԺՀԿ-CHP) հայ պատգամավոր Սելինա Դողանը մեկնել է Ռումինիա: Մայրաքաղաք Բուխարեստում նա հանդիպել է Ռումինիայի հայ համայնքի ներկայացուցիչների հետ:

Ըստ «Ակոս» շաբաթաթերթի՝ առաջնորդարանում հանդիպում է եղել Տաթև սրբազանի, սենատոր Վարուժան Ոսկանյանի և Ռումինիայի խորհրդարանի ազգությամբ հայ պատգամավոր Վարուժան Փամբուկչյանի հետ:

Տաթև Սրբազանը Սելինա Դողանին տեղեկացրել է, որ Ռումինիայում բնակվում է մոտ 1700 հայ: Ռումինիայի հայկական համայնքը 100 տարվա պատմություն ունի: Ռումինիայի իշխանությունները տարեկան 1մլն եվրո են հատկացնում հայ համայնքին մշակութային ոլորտների զարգացման համար: Այդ գումարով ստեղծվում են գրադարաններ, թանգարաններ, իսկ շաբաթը երկու անգամ էլ կազմակերպվում են հայերենի դասընթացներ:

Փամբուկչյանը Դողանի հետ հանդիպման ժամանակ ցանկություն է հայտնել լինել Թուրքիայի Ադանա քաղաքում: Դողանն էլ իր հերթինի Ռումինիայի հայ պատգամավորին հրավիրել է Թուրքիա: Նշենք, որ Վարուժան Ոսկանյանը ժամանակին զբաղեցրել է Ռումինիայի էկոնոմիկայի նախարարի պաշտոնը:

Ռումինիայի հայկական համայնքը հնագույններից է Հարավարևելյան Եվրոպայում։ Հայերի հոսքը Ռումինիա ուժեղացել է հատկապես Անիի, ապա՝ Կիլիկիայի հայկական թագավորության անկումից հետո։ 14-րդ դարի 2-րդ կեսին հայերի թիվը երկրում այնքան է աճել, որ Ալեքսանդր Բարեպաշտ հոսպոդարը հատուկ հրովարտակով Սուչավամայրաքաղաքում նրանց համար հիմնել է եպիսկոպոսական թեմ: Հայերի հոսքը դեպի Ռումինիա շարունակվել է 1894–1896 թթ.-ի համիդյան բռնությունների, 1909 թ.-ի Ադանայի կոտորածի և 1915 թ.-ի Մեծ եղեռնի հետևանքով։ Վերջին խոշոր գաղթը դեպի Ռումինիա տեղի է ունեցել 1922 թ.-ին, երբ քեմալական Թուրքիայի զորքերը սկսել են կոտորել Զմյուռնիայի քրիստոնյա բնակիչներին։

Աղբյուր` Ermenihaber.am

Այս ենթաբաժնի վերջին նորությունները

10:34, 22 օգոս

Թուրքիան ՀՆԱ-ից ամենաքիչ ընտանեկան աջակցություն տրամադրող պետությունների թվում է

OECD-ի զեկուցի համաձայն, ընտանիքներին աջակցելու համար հատկացնում է ՀՆԱ-ի ընդամենը 0,5%-ը:

18:33, 21 օգոս

Թուրքական դրոշի վրա «մերկապար» պարելու համար քրեական գործ է հարուցվել

Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն: