Տնտեսական07:52, 30 Մարտ 2016
Թուրքիա այցելող զբոսաշրջիկների թիվը նվազել է 10 %-ով
Թուրքիայի` հարևանների հետ ունեցած խնդիրները, երկրում տեղի ունեցող ահաբեկչական պայթյունները և Ռուսաստանի հետ լարվածությունը զգալի ազդեցություն են թողնում զբոսաշրջության ոլորտի վրա: Ըստ թուրքական «Sondakika.com» կայքի` վերը թվարկածներն բացասական ազդեցություն են ունենում ոչ միայն Ռուսաստանից, այլ նաև Եվրոպայից եկող տուրիստական հոսքի վրա:
Թուրքիայի մշակույթի և զբոսաշրջության նախարարության հրապարակած տվյալների համաձայն՝ 2016-ի փետրվարին Թուրքիա այցելած զբոսաշրջիկների թիվը 2015-ի նույն ամսվա համեմատ նվազել է 10.23 տոկոսով, իսկ հունվար փետրվար ամիսների ընդհանուր անկումը կազմում է 8.48 տոկոս:
Նշվում է, որ Թուրքիա ամենաշատն այցելող գերմանացի զբոսաշրջիկների թիվը գրանցել է 6.8 % անկում: Եվրոպայից եկող զբոսաշրջիկները պակասել են 7.7 %-ով. Անգլիայից եկողները` 9.46 %-ով, Իսպանիայից եկողները` 33.1 %-ով, Իտալիայից եկողները`28.58 %-ով, Ֆրանսիայից եկողները` 6.71 %-ով, իսկ հարևան Հունաստանից եկողները` 18.8 %-ով: Ամենաշաը նվազել է ռուսաստանցի զբոսաշրջիկների թիվը` 54.4 %:
Թուրքիայի հյուրանոցների ֆեդերացիայի նախագահ Օսման Այըքը հայտարարել է, որ եթե զբոսաշրջիկների թվի նվազման միտումը շարունակվի, ապա ամառային սեզոնին շատ ծանր հետևանքների կլինեն:
«Պետք է այս բացասական միտումը փոխենք դրականի, սակայն մինչև հիմա չենք կարողացել այդ հարցում հաջողություն գրանցել: Մինչև ամառային սեզոնի սկսվելը պետք է շատ բաներ վերանայել»,- ասել է Այըքը:
Աղբյուրը նշում է, որ նվազել նույնիսկ աֆրիկյան երկրներից եկող զբոսաշրջիկների քանակը` չնայած այն հանգամանքին, որ նախատեսվում էր ռուս զբոսաշրջիկների պակասը մասնակիորոն լրացնել աֆրիկյան շուկայի հաշվին:
Նախորդ տարվա առաջին 2 ամիսների հետ համեմատած աճ է գրանցել միայն Իրանից ու Վրաստանից դեպի Թուրքիա այցելող զբոսաշրջիկների թիվը, համապատասխանաբար` 185.000-ից հասնելով 217.000-ի և 21.400-ից հասնելով 265.000-ի:
Այս ենթաբաժնի վերջին նորությունները
Կարսում կազմակերպված «Սահմանակից նահանգների տնտեսական ֆորում»-ին ներկա է գտնվել նաև Թուրքիայում Ադրբեջանի դեսպան Ռաշադ Մամեդովը։
Թուրքիայի Էներգետիկայի և բնական պաշարների նախարարն արձագանքել է իրանական գազի ներկրման մասին մտահոգիչ խոսակցություններին։
Իրանի և Իսրայելի ֆոնդային բորսաներում ևս զգալի անկում է նկատվում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Թուրքիայի պաշտպանության նախարար Յաշար Գյուլերը մասնակցել է Ադրբեջանի զինված ուժերի օրվա կապակցությամբ Անկարայում կազմակերպված ընդունելությանը։
Թուրքիայի նախագահ Ռեջեփ Թայիփ Էրդողանն և Ադրբեջանի նախագահ Իլհամ Ալիևը մասնակցել են Քահրամանմարաշում «Ադրբեջանական թաղամաս» համալիրի բացմանը Էրդողանը ելույթն ավարտել է քահարամանմարաշցի բան
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |