Տնտեսական07:25, 23 Մարտ 2016
Ռուսաստանից Թուրքիա բնական գազի արտահանման ծավալները նվազել են
Ռուսական «Գազպրոմ» ընկերության կողմից Թուրքիային վաճառվող բնական գազի ծավալները նկատելիորեն նվազել են:
Թուրքական «Ahaber.com.tr» լրատվակայքի տեղեկացմամբ՝ 2016թ. սկզբից մինչ օրս Ռուսաստանից Թուրքիա արտահանված գազի ծավալները նվազել են 7.5 տոկոսով՝ կազմելով 2.6 մլրդ խմ: Այս ցուցանիշը ամենացածրն է վերջին 3 տարվա ընթացքում:
Ռուսական բնական գազի արտահանմամբ զբաղվող «Բուլգարտրանսգազ» ընկերության տվյալներին հղում կատարող աղբյուրն ընդգծում է, որ մասնավորապես փետրվարի 1-ից մինչև մարտի 19 գազի արտահանումը Թուրքիա նվազել է 19 տոկոսով:
Նշվում է, որ գազի վաճառքի ծավալների նման անկումը պայմանանավորված է հատկապես Թուրքիայի բարենպաստ կլիմայական պայմաններով: Որոշակի ազդեցություն են ունեցել նաև «Գազպրոմի» և թուրքական «Բոթաշ» պետական ընկերության ու ևս 6 մասնավոր ընկերությունների միջև գնի վերաբերյալ ծագած անհամաձայնությունները:
Նշյալ ընկերությունները 2013թ. Ռուսաստանի հետ կնքած համաձայնագրի շրջանակներում տարեկան 10 մլրդ խմ բնական գազ էին արտահանում Թուրքիա: Սակայն այն բանից հետո, երբ տարեսկզբին Ռուսաստանը չեղյալ հայտարարեց գազի գնի համար սահմանված 10.25 տոկոսանոց զեղչը, արտահանող ընկերությունները հրաժարվեցին համագործակցությունից:
Թուրքական ընկերությունները փորձում են ռուսական բնական գազի բացը լրացնել հեղուկացված գազով: Իսկ Անկարայի իշխանությունները պատվիրել են «Բոթաշ» ընկերությանը՝ Բուլղարիայի և Ուկրաինայի տարածքով Եվրոպայից բնական գազի ներմուծումն ապահովող միջնորդ - մատակարար փնտրել:
Եթե թուրքական ընկերությունները կարողանան իրագործել իրենց առջև դրված այս առաջադրանքները, ապա կազատվեն մինչ այժմ Թուրքիայի գազի պահանջարկի 50 տոկոսից ավելին մատակարարող «Գազպրոմ»-ից ունեցած կախվածությունից:
Այս ենթաբաժնի վերջին նորությունները
Թուրքիայի արտահանողների խորհրդի տվյալներով՝ Գերմանիա արտահանումը նախորդ տարվա համեմատ աճել է 9․4%-ով՝ հասնելով 13․1 մլրդ դոլարի:
Յաշար Գյուլերը նշել է, որ վճռական են զարգացնել համագործակցությունը ռազմարդյունաբերության ոլորտում
Դա Թուրքիայում հանրային լայն քննարկումների առիրթ է դարձել։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Ճապոնիայի Առևտրի նախարարության հայտարարության համաձայն՝ որոշումը ուժի մեջ կմտնի սեպտեմբերի 19-ից։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |