Մարզական09:28, 22 Մարտ 2016
Թուրքիան զրկվել է Ռիո-2016 Օլիմպիադայի ընտրական մրցաշարը հյուրընկալելու իրավունքից
Ապրիլի 6-12-ը Ստամբուլում կայանալիք Ռիո-2016 Օլիմպիադայի՝ Եվրոպա աշխարհամասի ընտարական փուլի խաղերը չեղարկվել են: Թուրքական «Ntv.com.tr» լրատվակայքի համաձայն՝ նման որոշման պատճառը երկրում ահանգնացող ահաբեկչության վտանգն է:
Բոլոր եվրոպական երկրների մասնակցությամբ ինտերնետում կատարված քվեարկության արդյունքում որոշում է կայացվել Թուրքիային զրկել Օլիմպիադայի ընտրական մրցաշարը հյուրընկալելու իրավունքից: Այդ մասին Թուրքիայի սեղանի թենիսի ֆեդերացիայի պաշտոնական կայքում համապատասխան հայտարարություն է տեղադրվել:
Թեմային անդրադարձած ֆեդերացիայի նախագահ Օքթայ Չիմենը նշել է. «Ես շատ վշտացած եմ: Մենք արդեն ավարտել էինք առաջնության հետ կապված բոլոր նախապատրաստությունները: Սակայն եվրոպական երկրներն ավելի վաղ էլ էին պահանջել մեզանից վերցնել առաջնության անցկացման իրավունքը: Մենք ընդդիմացանք: Իսկ հիմա բոլոր եվրոպական երկրները քվեարկություն են անցկացրել և պահանջել, որ մեր երկրում անցկացվելիք առաջնությունը չեղարկվի»:
Թուրքիայի սպորտի նախարարությունը նամակով դիմել է Աշխարհի և Եվրոպայի ֆեդերացիաների նախագահներին՝ պետական մակարդակով երաշխավորելով անվտանգության ապահովումը: Նախարարության այդ նամակին դեռևս պատասխան չի տրվել:
Ըստ Չիմենի՝ Եվրոպայի ֆեդերացիան իր կայքում թեմայի վերաբերյալ հայտարարություն է տեղադրել, սակայն Թուրքիան դեռևս որևէ պաշտոնական պատասխան չի ստացել:
Այս ենթաբաժնի վերջին նորությունները
Իտալական «Ինտերի» գլխավոր մարզիչ Սիմոնե Ինձագին և նույն թիմի կիսապաշտպան Հաքան Չալհանօղլուն որակազրկվել են Իտալիայի ֆուտբոլի առաջնության մեկ խաղով:
Մասնավորապես շեշտվում է, որ Թուրքիան երկար տարիներ ներկայացուցիչ չունի UEFA-ի խորհրդում, իսկ Հայաստանը 4 տարի ժամկետով ունի։
Միջադեպից հետո Ժոզե Մոուրինյոն կարմիր քարտ է ստացել։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Իսրայելի կողմից իրանական ռազմավարական օբյեկտների վրա իրականացված հարձակման հետևանքով նավթի միջազգային շուկաներում գները զգալիորեն բարձրացել են։
Ֆիդանն ու շեյխ Ալ Սանին զրույցի ընթացքում քննարկել են Գազայում հրադադարի ապահովմանն ուղղված ջանքերը:
Թուրքական աղբյուրների հաղորդմամբ՝ ինտերնետի արագությունը զգալիորեն նվազել է, իսկ հեռավար կապի որոշ ծառայություններում նկատվել են խափանումներ։
Քամու առաջին էլեկտրակայանը գործարկվել է 1998 թվականին՝ Իզմիրի Չեշմե շրջանում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |