Տարածաշրջան12:19, 21 Մարտ 2016
Քարայըլանը հայտարարել է, որ PKK-ն կվերսկսի բանակցությունները Օջալանի ազատության պայմանով
«Քուրդիստանի համայնքների միության» համանախագահ Մուրաթ Քարայըլանը, ով համարվում է «Քուրդիստանի բանվորական կուսակցության» (ՔԲԿ-PKK) զինյալների բարձրագույն հրամանատարներից մեկը, Թուրքիայի նախագահ Ռեջեփ Թայիփ Էրդողանին ուղղված կոչով է հանդես եկել:
Ըստ թուրքական «Haberler.com» լրատվական կայքի` Քարայըլանը հեռուստաալիքներից մեկին Նովրուզի կապակցությամբ տված հարցազրույցի ժամանակ ասել է, որ ՔԲԿ-ն պատրաստ է Թուրքիայի կառավարության հետ վերսկսել հաշտության բանակցությունները, եթե վերջինս Աբդուլլահ Օջալանի համապատասխան պայմաններ ապահովի:
«Եթե Թայիփ Էրդողանը և ԱԶԿ-ն (իշխող «Արդարություն և զարգացում կուսակցություն») մարդասպան, ռասիստական դիրքորոշումից հետքայլ անեն, ապա այս Նովրուզը նոր սկզբի ու նոր լուծման առիթ կարող է դառնալ»,- ասել է Քարայըլանը:
Քուրդ առաջնորդը դատապարտել է նաև Թուրքիայի քրդաբնակ քաղաքներում իշխանությունների կողմից Նովրուզի տոնակատարությունների արգելումը: Ըստ Քարայըլանի արգելված վայրերում Նովրուզի տոնակատարությունները պետք է զանգվածային կերպով անցկացվեն:
ՔԲԿ-ական առաջնորդը հայտարարել է, որ այս տարի Նովրուզը պատմական ժամանակաշրջանում են նշում, քանի որ այժմ պատերազմական իրավիճակ է:
«Այսպիսի ժամանակաշրջանում Նովրուզի տոնակատարությունները նոր սկզբի առիթ կարող են դառնալ: 2016 թվականին Նովրուզի առիթով էլ կարելի է նոր քայլեր կատարել, ինչպես, որ 2013-ին մեր առաջնորդը կատարեց (2013-ին Աբդուլլահ Օջալանի` զենքերը վայր դնելու կոչը): Մենք, որպես շարժում հայտարարում ենք, որ առաջնորդ Ապոյի (Օջալան) ազատության համար պայմաններ ստեղծվելու դեպքում պատրաստ ենք վերսկսել Դոլմաբահչեի պայմանագրի շրջանակներում իրականացված բանակցությունները»,- ասել է Քարայըլանը:
Այս ենթաբաժնի վերջին նորությունները
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Ճապոնիայի Առևտրի նախարարության հայտարարության համաձայն՝ որոշումը ուժի մեջ կմտնի սեպտեմբերի 19-ից։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |