Թուրքիայի արտգործնախարարությունը նոտա է հղել Բելգիայի դեսպանին

Միջազգային09:45, 21 Մարտ 2016

Թուրքիայի արտգործնախարարությունը նոտա է հղել Բելգիայի դեսպանին

Թուրքիայի իշխանություններն իրենց անհանգստությունն են հայտնել Բրյուսելի իշխանությունների կողմից «Քուրդիստանի բանվորական կուսակցության» (PKK-ՔԲԿ) անդամներին քաղաքում PKK-ի դրոշներով վրան տեղադրելու թույլտվությանւ կապակցությամբ:

Թուրքիայի արտաքին գերատեսչության ղեկավար Մևլութ Չավուշօղլուն արտգործնախարարություն է կանչել Անկարայում Բելգիայի դեսպան Մարկ Թրանթեզուին և վրանի տեղադրման հետ կապված բողոքի նոտա հղել:

Ըստ «CNNTurk» լրատվական ծառայության` Չավուշօղլուն այս թեմայով հեռախոսազրույց է ունեցել նաև Բելգիացի իր պաշտոնակից Դիդյե Ռեյնդերսի հետ: Զրույցի ժամանակ թուրք պաշտոնյան անընդունելի է համարել Եվրամիության կենտրոնում ահաբեկչական համարվող կազմակերպության վրանի տեղադրումը և պահանջել անմիջապես հեռացնել նշյալ վրանը:

Չավուշօղլուն անհանգստություն է հայտնել այն փաստի առնչությամբ, որ արդեն դատարկված վրանում վրա դեռ շարունակվում են ծածանվել ահաբեկչական համարվող կառույցի դրոշները և անընդունելի համարել ահաբեկչության դեմ երկակի ստանդարտների կիրառումը:

Թուրքական «Haberler.com» լրատվական կայքն էլ տեղեկացնում է, որ անհայտ անձիք հրդեհել են PKK-ի վրանը: Վրանում այդ պահին մարդ չի եղել, քանի որ ոստիկաններն դրանից առաջ վրանը տեղադրողներին արգելել էին շարունակել ակցիան: Դատարկ վրանի մի մասն այրվելուց հետո հրշեջները մարել են կրակը: Աղբյուրը նշում է, որ ըստ շրջանառվող լուրերի` վրանը հրդեհել են Բելգիայում բնակվող թուրքերը:

Նշենք, որ PKK-ի անդամները վրանը քաղաքային իշխանությունների թույլտվությամբ տեղադրել էին Թուրքիայի վարչապետ Ահմեթ Դավութօղլուի Բրյուսել կատարած այցի ժամանակ:

Աղբյուր` Ermenihaber.am

Այս ենթաբաժնի վերջին նորությունները

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: