Նաոմ Չոմսկի. «Էրդողանը սպառնալիք է Թուրքիայի համար»

Հասարակական08:30, 17 Մարտ 2016

Նաոմ Չոմսկի. «Էրդողանը սպառնալիք է Թուրքիայի համար»

Աշխարհահռչակ լեզվաբան, փիլիսոփա և գրող Նոամ Չոմսկին (Խոմսկի), անդրադարձել է Թուրքիայի քրեական օրենսգրքի՝ ահաբեկչությանը վերաբերող հոդվածները փոփոխելու մասին նախագահ Էրդողանի ելույթին և դրան հաջորդած 3 գիտնականների ձերբակալությանը:

Ըստ թուրքական «Odatv.com» լրատվական կայքի` հայտնի գիտնականը Թուրքիայի նախագահի ելույթն ու գիտնականների ձերբակալությունը բնութագրել է որպես Էրդողանի ավտորիտար և ճնշող քաղաքականությունը սաստկացնելու փորձ:

«Թուրքիան դարասկզբին ժողովրդավարացման ու մարդու իրավունքնրի տեսանկյունից հուսադրող քայլեր էր կատարում: Ցավոք, վերջին մի քանի տարիներին նախագահ Էրդողանն այդ գործընթացը տանում է ամբողջովին հակառակ ուղղությամբ` վճռական ջանքեր գործադրելով ավտորիտար ու ճնշող իշխանություն ստեղծելու ուղղությամբ: Նրա վերջին գործողություններն ավելի են խորացնում այդ միտումը` նրա անձը դարձնելով սպառնալիք ոչ միայն Թուրքիայի, այլև մյուս երկրների համար»,- նկատել է Չոմսկին:

Նշենք, որ Էրդողանն օրեր առաջ ունեցած ելույթի ժամանակ ասել էր, որ անհրաժեշտ է փոփոխել ահաբեկչության վերաբերյալ Թուրքիայի քրեական օրենսգրքի հոդվածները` ընդարձակելով դրանց ընդգրկումը: Այդ ելույթից շատ չանցած ձերբակալվել են 3 թուրք գիտնականներ, որոնք իրենց ստորագրությունն էին դրել 1128 գիտնականների կողմից ստորագրված «Այս մեղքին հանցակից չենք դառնա» համատեղ հայտարարությանը: Թուրք գիտնականների «Հանուն խաղաղության» նախաձեռնության հրապարակած հայտարարությանը, որում դատապարտվում էր պետության գործողությունները քրդաբնակ շրջաններում, Չոմսկիից բացի միացել էին նաև բազմաթիվ գիտնականներ աշխարհի տարբեր երկրներից:

Աղբյուր` Ermenihaber.am

Այս ենթաբաժնի վերջին նորությունները

17:45, 11 սեպ

Թուրքիայի Սահմանադրական դատարանը ուժի մեջ է թողել ամուսնալուծված կանանց 300-օրյա ամուսնության արգելքը

Ընտանեկան դատարանը փաստարկել է, որ «միայն կանանց համար սպասման ժամկետի նախատեսումը վնասում է կնոջ և տղամարդու հավասարությունը։

17:30, 10 սեպ

Թուրքիայում ծնելիության մակարդակը կազմել է 1.34, իսկ Հայաստանում՝ 1.45

Ծնելիության բարձր ցուցանիշներ ունեն Իրաքը՝ 3.36 և Սիրիան՝ 2.59։

17:40, 08 սեպ

Թուրք հասարակության 70%-ը կողմ է միջուկային զենքի ստեղծմանը

Իսկ 72%-ը չի հավատում, որ ՆԱՏՕ-ն կպաշտպանի Թուրքիային, եթե վերջինիս վրա հարձակվեն:

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Սերդար Քըլըչն Ալիջանի սահմանային անցակետով կայցելի Հայաստան

Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։