Sabah. Հայերին կոտորեցիք, քրդերին ինչու՞ շալակներիդ առաք

Հասարակական16:45, 16 Մարտ 2016

Sabah. Հայերին կոտորեցիք, քրդերին ինչու՞ շալակներիդ առաք

Թուրքիայի իշխանամետ «Sabah» թերթի սյունակագիր Էնգին Արդըչը հանդես է եկել ուշագրավ հոդվածով: «Անհեթեթ Քեմալ» հոդվածով հեղինակը քննադատել է «Ժողովրդահանրապետական կուսակցության» (ԺՀԿ-CHP) առաջնորդ Քեմալ Քըլըրդարօղլուին:

«Ինչու՞ քրդական սապատը ձեր շալակն առաք, հարգելի իթթիհաթականներ: Հայերին կոտորեցիք, հույներին վտարեցիք, արաբներին չճանաչեցիք, իսկ քրդերին ինչու՞ ձեր շալակն առաք: Ի՞նչ տեսակ սկզբունքներ են»:

Նշենք, որ Արդըչի քննադատական հոդվածի համար պատճառ է դարձել մարտի 13-ի Անկարայում տեղի ունեցած ահաբեկչությունից հետո Քեմալ Քըլըչդարօղլուի այն հայտարարությունը, թե Թուրքիան պետք է վերադառնա իր հիմնարար սկզբունքներին:

Իշխանամետ լրագրողին զայրացրել է նաև ավելի վաղ Քըլըչդարօղլուի կողմից արված հետևյալ արտահայտությունը՝ «PKK-ն (Քուրդիստանի բանվորական կուսակցություն) և իշխանությունները համագործակցում են», «AKP-ն (Արդարություն և զարգացում կուսակցությունը») ամեն ինչի ընդունակ է, այդ թվում՝ քաղաքական հանցագործությունների»:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։