Թուրք քրեական հեղինակությունն առաջարկել է Մոսկվայում ահաբեկչություններ կազմակերպել

Հասարակական09:12, 15 Մարտ 2016

Թուրք քրեական հեղինակությունն առաջարկել է Մոսկվայում ահաբեկչություններ կազմակերպել

Մարտի 13-ի երեկոյան Անկարայում տեղի ունեցած ահաբեկչական պայթյունից հետո Թուրքիայում քրեական հեղինակություն Սեդաթ Փեքերը հանդես է եկել մի շարք առաջարկներով:

Ինչպես տեղեկացնում է թուրքական «Haberler.com» լրատվակայքը, Փեքերը թուրքական հետախուզությանն առաջարկել է մարզել չեչեն մահապարտներին ու նրանց օգնությամբ Մոսկվայում ահաբեկչություններ իրականացնել այնպես, ինչպես, ըստ նրա, Ռուսաստանն է մարզում քուրդ զինյալներին:

«Եվ, իհարկե, այդ գործողություններից հետո առաջին ցավակցող երկիրը մենք պիտի լինենք: Ինչպես նողկալիաբար վարվեց մեզ հետ Ռուսաստանը՝ Քըզըլայի պայթյունից անմիջապես հետո»:

Քրեական աշխարհի լիդերներից համարվող Փեքերը նաև առաջարկել է ձերբակալել վերականգնել մահապատիժը և մահապատժի ենթարկել ահաբեկչական կառուցյների ղեկավարներին: Նրա կարծիքով ահաբեկչության դեմ պայքարում Թուրքիայի համար լավագույն լուծումը կլինի իշխող «Արդարություն և զարգացում» ( ԱԶԿ-AKP) և ընդդիմադիր «Ազգայնական շարժում» կուսակցությունների (ԱՇԿ-MHP) համագործակցությունը:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։