Գերմանիան նախազգուշացնում է Թուրքիա ճամփորդության մեկնող իր քաղաքացիներին

Միջազգային09:55, 14 Մարտ 2016

Գերմանիան նախազգուշացնում է Թուրքիա ճամփորդության մեկնող իր քաղաքացիներին

Գերմանիայի արտգործնախարարությունը (ԱԳՆ) հանդես է եկել հայտարարությամբ՝ Թուրքիա մեկնել պատրաստվող և արդեն այնտեղ գտնվող իր քաղաքացիներին հորդորելով լինել շատ զգույշ:

«2016 թվականի մարտի 13-ին Անկարայում բազմաթիվ մարդկանց մահվան պատճառ դարձած նոր ահաբեկչական պայթյուն է տեղի ունեցել: Խորհուրդ ենք տալիս հետևել տեղի անվտանգության պատասխանատուների ցուցումներին և մամուլի միջոցով հետևել զարգացումներին»,- ասված է հայտարարության մեջ:

Ըստ թուրքական «Dunya.com» կայքի` հայտարարության մեջ հիշեցվել է նաև փետրվարի 17-ին Անկարայում և հունվարի 12-ին Ստամբուլում տեղի ունեցած պայթյունների մասին:

Գերմանիայի ԱԳՆ-ն քաղաքացիներին խորհուրդ է տվել Թուրքիայի մեծ քաղաքներում չօգտվել հասարակական տրանսպորտից և հեռու մնալ մարդաշատ վայրերից, ռազմական ու պաշտոնական նշանակության շենքերից:

Նշվում է նաև, որ Թուրքիայի ողջ տարածքում քաղաքական լարվածության պատճառով հնարավոր են բախումներ և ահաբակչական պայթյուններ:

Աղբյուր` Ermenihaber.am

Այս ենթաբաժնի վերջին նորությունները

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: