Հայտնի է Անկարայում պայթյուն կազմակերպած անձանց ինքնությունը

Հասարակական07:49, 14 Մարտ 2016

Հայտնի է Անկարայում պայթյուն կազմակերպած անձանց ինքնությունը

Հայտնի է դարձել մարտի 13-ին Թուրքիայի մայրաքաղաք Անկարայի Քըզըլայ շրջանում ահաբեկչական պայթյուն իրականացրած անձանց ինքնությունը:

Թուրքական «Memurlar» լրատվական կայքը հայտնում է, որ պայթյունի կազմակերպիչներից մեկը կին է եղել, իսկ մյուսը՝ տղամարդ: Նախնական տվյալների համաձայն՝ երկուսն էլ մահացել են դեպքի վայրում:

Թուրքական մեկ այլ լրատվամիջոց՝ «İnternethaber»-ը տեղեկացնում է, որ պայթուցիկով բեռնված BMW մակնիշի մեքենայով հարձակում իրականացրած կինը՝ Սեհեր Չաղլա Դեմիրը, Բալըքեսիր համալսարանի ուսանողուհի է եղել: Նա նախկինում համալսարանական 4 ընկերուհու հետ միասին մեղադրվել է «Քուրդիստանի բանվորական կուսակցությանը» (ՔԲԿ-PKK) անդամակցելու և նրա օգտին քարոզչություն անելու մեջ:

Հիշեցնենք, որ վերջին 5 ամսվա ընթացքում սա Անկարայում իրականացված 3-րդ պայթյունն է:

Առաջինը տեղի էր ունեցել 2015թ. հոկտեմբերի 10-ին: Զոհվել էր 102 հոգի, շուրջ 500-ը վիրավորվել էր:

Երկրորդ հարձակումը կատարվել էր 2016 թ. փետրվարի 17-ին, ինչի հետևանքով սպանվել էր 28 մարդ, որոնցից 27-ը՝ զինվորականներ:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։