Տարածաշրջան08:12, 10 Մարտ 2016
Թուրքիան և Ուկրաինան խորացնում են տնտեսական համագործակցությունը
Պաշտոնական այցով Անկարայում գտնվող Ուկրաինայի նախագահ Պյոտր Պորոշենկոն հանդիպել է Թուրքիայի նախագահ Ռեջեփ Թայիփ Էրդողանի հետ: Հանդիպմանը հաջորդած համատեղ մամուլի ասուլիսի ժամանակ ելույթ ունեցած Պյոտր Պորոշենկոն հայտարարել է, որ նախագահ Էրդողանի և վարչապետ Ահմեթ Դավութօղլուի հետ հանդիպումների օրակարգում գլխավոր թեմաներից մեկը եղել է տնտեսական համագործակցություն խորացումը:
Ըստ թուրքական «Haberler.com» լրատվական կայքի` կողմերը կոնկրետ հանձնարարականներ են տվել ազատ առևտրի պայմանագրի պատրաստման վերաբերյալ, համաձայնության են եկել կրկնակի հարկումը վերացնելու և փոխադարձ ներդրումները խրախուսելու մասին համաձայնագիրը հնարավորինս արագ թարմացնելու շուրջ:
«Էրդողանի և Դավութօղլուի հետ հանդիպումների ժամանակ առաջարկել եմ, որ թուրք գործարարները մասնակցեն Ուկրաինայում իրականացվող մասնավորեցման գործընթացներին: Համաձայնություններ ենք ձեռք բերել էներգետիկ ոլորտում Թուրքիայի և Ուկրաինայի թե՛ երկկողմ, թե՛ բազմակողմ համագործակցության մասով: Բանակցություններ ենք վարել նաև զբոսաշրջության ոլորտում համագործակցության խորացման շուրջ»,- ասել է Ուկրաինայի նախագահը:
Պորոշենկոն նշել է, որ երկու երկրների համագործակցության կարևոր ուղղություններից են նաև պաշտպանական արդյունաբերության, տիեզերագնացության և ավիացիայի ոլորտները:
«Համագործակցելու ենք նաև ծովային բեռնափոխադրումների ոլորտում և աշխատելու ենք լոգիստիկայի տեսանկյունից ավելի բարենպաստ ուղիներ գտնել: Այս պայմանավորվածությունները շատ կարևոր են` հաշվի առնելով Ռուսաստանի ջանքերը` միտված այս ոլորտում մեր համագործակցության խոչընդոտմանը»,-նշել է Ուկրաինայի նախագահը:
Պատասխանելով լրագրողներից մեկի` Ղրիմը Ռուսաստանի կողմից ռազմաբազայի վերածվելու մասին հարցին` Պորոշենկոն ասել է, որ Ռուսաստանը նույն քաղաքականությունը վարում է նաև Սիրիայում ու մեղադրել Մոսկվային «Իսլամական պետություն» ահաբեկչական կազմակերպության փոխարեն Սիրիայի չափավոր ընդդիմությանը հարվածելու մեջ:
Խոսելով Թուրքիայի և Ուկրաինայի միջև ռազմական համագործակցության մասին` Պորոշենկոն ասել է, որ դա ուղղված չէ որևէ մեկի դեմ և միտված է իրենց սահմանները պաշտպանելուն:
Այս ենթաբաժնի վերջին նորությունները
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Ճապոնիայի Առևտրի նախարարության հայտարարության համաձայն՝ որոշումը ուժի մեջ կմտնի սեպտեմբերի 19-ից։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |