Դավութօղլուն հայտարարել է, որ շուտով Սուր շրջանի ռազմագործողությունները կավարտվեն

Տարածաշրջան06:48, 09 Մարտ 2016

Դավութօղլուն հայտարարել է, որ շուտով Սուր շրջանի ռազմագործողությունները կավարտվեն

Թուրքիայի վարչապետ Ահմեթ Դավութօղլուն հայտարարել է, որ թուրքական ուժերի կողմից Դիարբեքիր նահանգի Սուր շրջանում քուրդ զինյալների դեմ իրականացվող ռազմական օպերացիաները ավարտին կհասցվեն:

Ինչպես փոխանցում է թուրքական «haberler» լրատվական կայքը, վարչապետը նման խոսքեր է հնչեցրել «A Haber» հեռուստաընկերության հաղորդումներից մեկում հյուրընկալվելու ժամանակ: Խոսելով թուրք-քրդական զինված բախումների մասին՝ նշել է, թե քչերն էին հավատում, որ թուրքական ուժերի կողմից իրականացվող գործողությունները քուրդ զինյալների դեմ տևական բնույթ կկրեն:

«Մեր ուժայինների միջև գոյություն ունի լավ համակարգում: Սուրում տեղի ունեցող օպերացիաները ամենակարճ ժամանակահատվածում կավարտենք: Մի քանի օր մնաց: Մինչև նովրուզ չի հասնի»:

Միջանկյալ նշենք, որ նովրուզը իրանական և թուրքական ժողովուրդների համար արևային աստղագիտական օրացույցով Նոր տարին է: Նովրուզի տոնը հանդիսանում է ազգային ավանդույթ, որն անմիջական կապ չունի իսլամական ավանդույթների հետ:

Չնայած այդ ամենին Դավութօղլուն ընդգծել է, որ Սուր շրջանում դեռևս կպահպանվի նախկինում հայտարարված պարետային ժամը:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։