Ստամբուլ. զինված հարձակումների շարք ոստիկանության վրա

Տարածաշրջան09:02, 04 Մարտ 2016

Ստամբուլ. զինված հարձակումների շարք ոստիկանության վրա

Երեկ գիշերային ժամերին Ստամբուլում ոստիկանության դեմ ուղղված 5 տարբեր զինված հարձակումներ են տեղի ունեցել:

Ըստ թուրքական «Demokrathaber.com» լրատվական կայքի` մարտի 3-ի առավոտյան Ստամբուլի Բայրամփաշա թաղամասի ոստիկանական բաժանմունքի վրա 2 կին գրոհայինների կողմից իրականացված հարձակումից բացի ևս 5 հարձակում է տեղի ունեցել երեկոյան:

Ստամբուլի Տեքստիլքենթ կոչվող շրջանում անհայտ անձիք կրակահերթ են իրականացրել դատապարտյալներ տեղափոխող մեքենայի և դրան ուղեկցող ոստիկանական մեքենայի վրա: Զոհեր և վիրավորներ չեն գրանցվել:

Օքմեյդան թաղամասում երեկոյան հերթապահություն իրականացնող ոստիկանական զրահապատ մեքենայի վրա կրակ են բացել 3 գրոհային: Պատասխան կրակից հետո զինված անձիք դեպքի վայրից հեռացել են ոտքով:

Նույն ժամին հարձակում է տեղի ունեցել քաղաքի Քաղըթհանե թաղամասում պարեկություն անող ոստիկանական մեկ այլ զրահամեքենայի վրա:

Եվս մեկ հարձակում տեղի է ունեցել Սարըյեր թաղամասում ,Ֆաթիհ Սուլթան Մեհմեթ Վաքֆը համալսարանի ռեկտորատին պատկանող ծառայողական մեքենայի վրա: Նշվում է, որ մեքենայի վրա տեղադրված փարոսիկների պատճառով զինված անձիք կարծել են, թե դա ոստիկանական մեքենա է:

Սարըյեր թաղամասում գտնվող ոստիկանական դպրոցի ուղղությամբ ևս կրակոցներ են արձակվել: Ըստ թուրքական աղբյուրի տեղեկությունների` կրակոցները արձակվել են անհայտ մեքենայից, որն արագ հեռացել է դեպքի վայրից:

Աղբյուր` Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:

12:22, 11 սեպ

Ըստ Ֆիդանի՝ ռեգիոնալ խնդիրները ռեգիոնալ լուծումներ են պահանջում

Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։

12:00, 11 սեպ

Թուրքիայի Անկարա նահանգում 4.1 մագնիտուդ ուժգնությամբ երկրաշարժ է տեղի ունեցել

Երկրաշարժը տեղի է ունեցել առավոտյան ժամը 8։24-ի սահմաններում:

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Սերդար Քըլըչն Ալիջանի սահմանային անցակետով կայցելի Հայաստան

Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։