Մարզական08:28, 25 Փետրվար 2016
Եվրոպայի հայկական խաղերին կմասնակցի նաև պոլսահայ պատվիրակությունը
Մարտի 25-28-ին Հոլանդիայի մայրաքաղաք Ամստերդամում կանցկացվեն Եվրոպայի հայկական խաղերը: Թուրքիայի հայկական «Ակոս» թերթի տեղեկացմամբ՝ խաղերին կմասնակցի նաև պոլսահայ հավաքականը: Անցյալ տարի անցկացված Համահայկական խաղերին մասնակցած Ստամբուլի կոմիտեն Եվրոպայի հայկական խաղերին կմասնակցի ֆութզալի 8 հոգանոց թիմով:
Ամստերդամ մեկնող 12 հոգանոց պոլսահայ պատվիրակությունը կգլխավորի Շահնուր Քազանջըն: Վերջինս լրագրողների հետ զրույցում ընդգծել է, որ իրենց թիմի նպատակը հաղթանակն է:
«Ամեն տարի կազմակերպվող Եվրոպայի հայկական խաղերի շրջանակներում բազմաթիվ հայերի հետ ենք հանդիպելու: Մեզ շատ է ուրախացնում Եվրոպայի տարբեր երկրներից եկած հայերի հետ մեկ վայրում հանդիպելու հանգամանքը:
Այս տարի հինգերորդ անգամ ենք ներկայացնում Ստամբուլը: Նախորդ տարիներին երկրորդ և երրորդ տեղերն ենք զբաղեցրել: Այս տարի նպատակ ունենք հասնել եզրափակիչ և Ստամբուլ վերադառնալ մեդալներով ու գավաթով: Իսկ այնտեղի մեր երկրորդ նպատակն է՝ ծանոթանալ ֆուտբոլային և սպորտային մշակույթին», - նշել է Քազանջըն:
20-25 տարիքային խմբին պատկանող 8 պոլսահայ մարզիկներն արդեն 3 ամիս է՝ նախապատրաստվում են խաղերին: Ամբողջությամբ նորացված թիմի կազմում Հոլանդիա կմեկնեն Սևան Դևլեթյանը, Հարություն Քուրանը, Հերման Բիբերյանը, Արդա Դոնիկօղլուն, Բուրաք Էլվանը, Արդեն Օլգունդեմիրը, Արման Հուբեսերյանը և Ռոբին Միրզախանյանը:
Այս ենթաբաժնի վերջին նորությունները
Բոսֆորի նեղուցում անցկացվել է «Բոսֆորի 37-րդ լողի մրցույթ», որին մասնակցել է 3000 լողորդ։
Սոֆիա Յակուշինայի այդ քայլը դիվանագիտական ճգնաժամ է առաջացրել ռուս-թուրքական հարաբերություններում։
Ֆուտբոլի միջազգային ասոցիացիաների ֆեդերացիան հրապարակել է ազգային հավաքականների դասակարգման աղյուսակը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |