Հոդված09:31, 24 Փետրվար 2016
Yeni Safak. «Թուրքիայի համար ամենամեծ սպառանլիքը Ռուսաստանն է»
Թուրք լրագրող Քեմալ Օզթուրքն իր հոդվածում ներկայացրել է այն երկիրը, որն իրապես վտանգավոր է Թուրքիայի համար: Թուրքական իշխանամետ «Yeni Safak» թերթում հրապարակված «Ո՞րն է մեծ սպառնալիքը՝ PKK-ն, Սիրիան, Իրանը թե Ռուսաստանը» հոդվածում Օզթուրքը գրում է, որ իրական սպառնալիքը պարզելու համար պետք է գտնել 2 հարցի պատասխան.
1. Դիվանագիտության ասպարեզում ո՞ր հարցն է Թուրքիային ամենաշատը մտահոգում: Այս հարցի պատասխանը գտնելու դեպքում այն կդառնա դիվանագիտության գլխավոր ուղղությունը:
2. Ռազմական ոլորտում Թուրքիայի համար ո՞րն է ամենամեծ վտանգը: Ըստ դրա էլ սահմանվում և որոշակիացվում են բոլոր հայեցակարգերը և ռազմավարությունը:
Հեղինակ կարծիքով այս հարցերն ունեն մեկ պատասխան՝ այն է. Թուրքիայի համար ամենամեծ սպառանլիքը Ռուսաստանն է:
«Քուրդիստանի բանվորական կուսակցությունը» (ՔԲԿ-PKK) ամեն օր մեր երկրում մարդկանց է սպանում: Այսպես է: Սիրիան արյունահոսող մի վերքի պես մեզ ցավ է պատճառում: Սա էլ է ճիշտ: Ճիշտ է նաև, որ Իրանն իր նվաճողական, կրոնական քաղաքականությամբ տարածաշրջանը պատերազմի դաշտի է վերածել և ամենաշատը մեզ է վնասում: Սակայն այս ամենի հետևում կանգնած ուժը Ռուսաստանն է: Ռուսաստանին հանեք ու տակը ոչինչ չի մնա»,- համոզված է Օզթյուրքը:
Անդրադառնալով աշխարհի հզոր քաղաքական ուժերին՝ թուրք հոդվածագիրը գրում է, որ ԱՄՆ-ն քաղաքականապես անզոր է, իսկ Եվրամիությունն (ԵՄ) առաջնորդ չունի, ինչի պատճառով ասպարեզը մնացել է Ռուսաստանին:
Վերջինս խոչընդոտում է Թուրքիայի գործունեությանը ՄԱԿ-ում, ԵՄ-ում և այլ միջազգային կառույցներում: «Մենք ՄԱԿ-ում չենք կարողանում Ռուսաստանի դեմ որևէ որոշում ընդունել: Եվրոպան վախենում է, քանի որ չի ցանկանում փորձանքի մեջ ընկնել, ինչպես Ուկրաինայում»,- գրում է հեղինակը՝ հավելելով, որ ԱՄՆ-ն էլ իր հերթին չի ցանկանում դեմ գնալ Ռուսաստանին:
Հեղինակը Ռուսաստանին նմանեցրել է արջի, որը շտապում է որքան հնարավոր է շատ թալանել, քանի դեռ անզոր Օբամային նոր նահագահ չի փոխարինել:
Խոսելով Ռուսաստան-Իրան համագործակցության մասին՝ Օզթյուրքը ներկայացրել է նրանց համատեղ նվաճողական ծրագրերը, որոնց մասին իբր թե հայտարարել է Իրանի հոգևոր առաջնորդի խորհրդական Ալի Աքբեր Վելայեթին Ալ Արաբիա հեռուստատեսության եթերում:
Օզթուրքը նշում է, որ Իրանը և Ռուսաստանը միասին գրավելու են Լիբանանը, Յեմենը և Իրաքը: Հեղինակը ենթադրում է, որ այս երկրներին կհաջորդեն Սաուդիան Արաբիան, Բահրեյնը, Քուվեյթը, Հորդանանը:
«Մերձավոր Արևելքը դեռ շատ է տառապելու Ռուսաստանի և Իրանի հարձակողական քաղաքականության պատճառով»,- եզրակացրել է թուրք հեղինակը:
Այս ենթաբաժնի վերջին նորությունները
Ermenihaber.am-ը ներկայացնում է 2023-ի վերջին և 2024-ի սկզբին, այսպես կոչված, «Զանգեզուրի միջանցքի» մասին Անկարայից հնչած հայտարարությունները։
2023-ի սեպտեմբերի 19-ին Ադրբեջանն Արցախի հայաթափման և խնդրի վերջնական լուծման նպատակով դիմեց ուժի կիրառմանը, ինչի հետևանքով 10-նյակ հազարավոր հայեր լքեցին իրենց տները:
Թուրքիայի արտգործնախարարը պնդել է, որ Ադրբեջանի գործողությունները բացահայտ թիրախ չեն եղել էթնիկ հայ բնակչության դեմ։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Մշտադիտարկման համատեղ կենտրոնը հիմնվել էր 2020թ. 44-օրյա պատերազմից հետո։
Իսկ Թուրքիայում այս տարի նախատեսվում է հորատել 140 նավթահոր՝ ածխաջրածնային պաշարների հանքավայրեր որոնելու համար։
Էպիկենտրոնը եղել է Իզմիրի Սեֆերիհիսար շրջանը, որտեղ ցնցման ուժգնությունը կազմել է 4.5 բալ:
Ազատ գրաֆիկով և հեռավար տարբերակով աշխատող մարդկանց համար նախատեսված «Digital nomads» վիզան կտրամադրվի 3-ից 5 տարով:
Հայտարարության մեջ նշվում է, որ լարվածությունը, որը սկսվել է Դամասկոսում Իրանի դեսպանատան վրա Իսրայելի հարձակմամբ հակասում է միջազգային իրավունքին․
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |