Միջազգային14:11, 23 Փետրվար 2016
Թուրքիայի և Բուլղարիայի միջև լարվածությունը վերաճել է դիվանագիտական սկանդալի
Բուլղարիայի արտգործնախարարությունը անցանկալի անձ է ճանաչել Բուրգասում Թուրքիայի գլխավոր հյուպատոսության կցորդ, Թուրքիայի կրոնի հարցերով վարչության աշխատակից Ուղուր Էմիրօղլուին` պահանջելով վերջինիցս լքել երկիրը: Ըստ թուրքական «Vatan» թերթի կայքի` բուլղարական կողմը որպես հիմնավորում նշել է Էմիրօղլուի` դիվանագիտական պարտականություններին չհամապատասխանող գործողություններ իրականացնելը: Իսկ բուլղարական լրատվամիջոցները գրել են , որ պատճառը Էմիրօղլուի միջամտությունն է Բուլղարիայի ներքին գործերին:
Թուրքիան էլ հանդես է եկել պատասխան քայլով` անցանկալի անձ ճանաչելով Ստամբուլում Բուլղարիայի գլխավոր հյուպատոս Անգել Անգելովին` իր հերթին բուլղար դիվանագետից պահանջելով լքել Թուրքիայի տարածքը:
Թուրքական աղբյուրը նշում է, որ երկու երկրների միջև լարվածությունն ավելի խորքային բնույթ ունի և կապված է Բուլղարիայում գործող թուրքական «Իրավունքների և ազատությունների շարժում կուսակցություն» նախագահ Լյութֆի Մեսթանի պաշտոնանկություն հետ: Նշվում է, որ կուսակցության պատվավոր նախագահ Ահմեթ Դողանը Մեսթանին պաշտոնանկ էր արել այն բանից հետո, երբ վերջինս ռուսական ինքնաթիռի խոցումից հետո պաշտպանել էր Թուրքիայի տեսակետները:
Կայքը նշում է, որ անցյալ շաբաթ էլ Բուլղարիայի խորհրդարանը որոշում է ընդունել ստեղծել ժամանակավոր հանձնաժողով, որը պետք է քննի Սոֆիայի ներքին գործերին Ռուսաստանի և Թուրքիայի կատարած միջամտությունների մասին շրջանառվող պնդումները:
Այս ենթաբաժնի վերջին նորությունները
Գագաթնաժողովը կկայա 2026-ի հուլիսի 7-ից 8-ը՝ Թուրքիայի նախագահական համալիրում։
Հոդվածում անդրադարձ կա ռուս-ուկրիանական համակարտությանը և Ռուսաստան-Ադրբեջան հարաբերությունների ներկայիս փուլին։
Թուրքիայի նախագահն անդրադարձել է Թրամփ-Պուտին հանդիպմանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։
Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:
Թուրքիայի տարածքային ենթակառուցվածքների նախարարը հաղորդագրություն է տարածել։
Ջրի պաշարները հաշվարկվում են մոտավորապես մինչև 35 օր: Քաղաքապետը կոչ է արել խիստ խնայողաբար օգտագործել այն:
Մարդիկ Թուրքիայում աշխատում են շաբաթական միջինում 45.6 ժամ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |