Թուրքիան չի դադարեցնում հրետակոծությունը Սիրիայի քրդական ուժերի ուղղությամբ

Տարածաշրջան07:24, 19 Փետրվար 2016

Թուրքիան չի դադարեցնում հրետակոծությունը Սիրիայի քրդական ուժերի ուղղությամբ

Թուրքիայի զինված ուժերը (TSK) շարունակում են հրետակոծել Սիրիայի Հալեպ քաղաքին մոտ գտնվող Ազազ շրջանը, որտեղ տեղակայված են Սիրիայի քրդական «Ժողովրդավարական միություն կուսակցության» (ԺՄԿ-PYD) հենակետերը: Ինչպես իրազեկում է թուրքական «haberler» լրատվական կայքը, թուրքական զինուժը նշյալ հարվածներն իրականացրել է թուրքական արտադրության «Fırtına» տեսակի հաուբից հրանոթներով:

Կրակի տակ է պահվել նաև Ազազ շրջանի հարավարևմտյան մասում գտնվող Այնդաղնե գյուղի Սիրիայի քրդական ուժերի զինանոցները: Ի դեպ, նշյալ գյուղն այժմ գտնվում է քրդերի վերահսկողության տակ:

Թուրքական աղբյուրի պնդմամբ` փետրվարի 12-ին Ազազ շրջանի հարավարևելյան մասում գտնվող Մարանաս շրջանից քրդական ուժերը կրակ էին բացել Թուրքիայի սահմանների ուղղությամբ:
Օրերս աշխարհի մի շարք երկրներ Թուրքիային կոչ էին արել դադարեցնել Սիրիայի քրդական ուժերի ուղղությամբ իրականացվող հրետակոծությունները:

Աղբյուրը նաև այն համոզմունք է հայտնում, թե Ազազ շրջանում բացի ԺՄԿ-ի ուժերից, այնտեղ գտնվում են նաև Թուրքիայում ահաբեկչական համարվող «Քուրդիստանի բանվորական կուսակցության» (ՔԲԿ-PKK) գրոհայինները:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։