Հասարակական08:01, 18 Փետրվար 2016
Համաշխարհային լիդերները դատապարտել են Անկարայի ահաբեկչությունը
Համաշխարհային լիդերները քննադատել են փետրվարի 17-ին Անկարայում տեղի ունեցած ահաբեկչական պայթյունը, որի հետևանքով 28 զոհ և 61 վիրավորվել էր գրանցվել:
Թուրքական «Ntv.com.tr» լրատվակայքի համաձայն՝ Գերմանիայի կանցլեր Անգելա Մերկելը դեպքի առթիվ գրավոր հայտարարություն է տարածել. «Մենք Թուրքիայի կողքին ենք՝ անմարդկային ահաբեկչություններ իրականացնողների դեմ մղած նրա պայքարում»:
Գերմանիայի արտգործնախարար Ֆրանկ-Վալտեր Շտայնմայերը Անկարայի դեպքը բնութագրել է որպես «վախկոտ բռնարարք»՝ ցավակցելով զոհվածների հարազատներին և շուտափույթ ապաքինում մաղթելով վիրավորներին:
Իր ցավակցական և քննադատական խոսքն է հղել նաև Սպիտակ տանը կից Ազգային ավնտանգության խորհրդի մամուլի խոսնակ Նեդ Փրայսը. «ԱՄՆ-ն խստորեն դատապարտում է Անկարայում տեղի ունեցած ահաբեկչությունը»:
ԱՄՆ պաշտպանության նախարար Էշթոն Քարտերն իր ցավակցական ուղերձում աջակցություն է հայտնել թուրք ազգին ՝ նշելով, որ այս ահաբեկչությունը միայն ավելի կխորացնի հակաահաբեկչական պայքարում Թուրքիայի հետ համագործակցությունը:
Անգլիայի վարչապետ Դևիդ Քեմերոնը Twitter-ի իր պաշտոնական միկրոբլոգում գրել է. «Միացյալ Թագավորությունը ցնցված է այս դաժան բռնությունից»:
Անգլիայի արտգործնախարար Ֆիլիպ Համմոնդը հայտարարել է, որ Միացյալ Թագավորությունը խստապես քննադատում է Անկարայի ահաբեկչությունը:
Ֆրանսիայի նախագահ Ֆրանսուա Օլանդը ևս դատապարտել է այս սարսափելի ահաբեկչությունը և աջակցություն հայտնել թուրք ազգին և Թուրքիային: Ցավակցական հաղորդագրություն է տարածել նաև Ֆրանսիայի արտգործնախարարությունը:
Քաթարի արտգործնախարարությունը գրավոր հայտարարություն է տարածել՝ խստորեն դատապարտելով Անկարայի ահաբեկչությունը և ցավակցություն հղելով Թուրքիայի կառավարությանը:
Թուրքիային ցավակցել է նաև Ադրբեջանի նախագահ Իլհամ Ալիևը:
Այս ենթաբաժնի վերջին նորությունները
Թուրքիայի Դողուբեյազըթ քաղաք ժամանած լեռնագնացները տեղացի ուղեկցող Ջումա Սալթիքի առաջնորդությամբ փորձել են նվաճել լեռան գագաթը։
Ընտանեկան դատարանը փաստարկել է, որ «միայն կանանց համար սպասման ժամկետի նախատեսումը վնասում է կնոջ և տղամարդու հավասարությունը։
Ծնելիության բարձր ցուցանիշներ ունեն Իրաքը՝ 3.36 և Սիրիան՝ 2.59։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |