Մշակութային07:35, 17 Փետրվար 2016
Հայ և թուրք երաժիշտները հանդես կգան համատեղ համերգներով
Հայ և թուրք երաժիշտները պատրաստվում են համատեղ համերգներով հանդես գալ Թուրքիայում, ԱՄՆ-ում և Եվրոպայում:
Ըստ հայկական «Ակոս»-ի` «Հայ-թուրքական մշակութային համագործակցություն» նախագծի շրջանակներում անցկացվելիք համերգներին կաջակցեն Թուրքիայի մշակութի նախարարությունն ու Անատոլիա մշակութային միությունը: Օրեր առաջ Ստամբուլում տեղի ունեցած նախապատրաստական հավաքին մասնակցել են թուրքական Մարմարիս ֆիլհարմոնիկ միության գործադիր խորհրդի ղեկավար Ահմեթ Յաշար Ալթընոզը, նախագծի գեղարվեստական ղեկավար Նվարդ Անդրեասյանը, և նախագծի համակարգող Մուրաթ Գյուրոլը:
1.1 մլն դոլար արժողությամբ նախագծի շրջանակներում կկայանա 15 համերգ, որից 6-ը` Թուրքիայում, 1-ը` ԱՄՆ-ում, իսկ 8-ը եվրոպական երկրներում (Հոլանդիա, Գերմանիա, Ֆրանսիա, Անգլիա, Բելգիա):
Ըստ Ալթընոզի՝ նախագծի նպատակն է երաժշտության միջոցով երկու ժողովուրդների միջև երկխոսություն հաստատել:
Նախագծի գեղարվեստական ղեկավար Նվարդ Անդրեասյանը տեղեկացրել է, որ դեռ վերջնականապես հստակեցված չէ երաժիշտների կազմը, սակայն արդեն կան երաժիշտներ, որոնց մասնակցությունը հաստատված է: Նրանք են` Էդգար Մինաս, Արդա Ագոշյան, Խաչատուր Ավետիսյան, Վաչե Շարաֆյան, Ժիրայր Շահրիմանյան, Արթուր Ահարոնյան, Ֆերդ Անլար, Ադնան Սայգուն, Օղուզհան Բալջը, Մեսրուհ Սավաշ, Օզքան Մանավ:
Անդրեասյանն ասել է, որ շատ կուզենային Հայաստանում ևս համերգ կազմակերպել, սակայն երկու երկրների միջև դիվանագիտական հարաբերությունների բացակայության պարագայում անհրաժեշտ կլինի, որ հայկական կողմն իրենց հրավեր ուղարկի:
Այս ենթաբաժնի վերջին նորությունները
Ֆիլմը լինելու է Թուրքիայի և Հայաստանի միջև առաջին համատեղ լիամետրաժ ֆիլմարտադրանքը:
Արա գյուլերի մրցաշարում առաջին տեղը գրավել է Ստամբուլում գործող հայկական «Կենտրոնական» ավագ դպրոցի սան Մարինա Աբդը:
Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի նախագահը նշել է, որ Անկարան պատրաստ է ցուցաբերել ցանկացած աջակցություն, այդ թվում՝ միջնորդություն։
Կողմերը քննարկել են Իսրայել-Իրան առճակատումը և շարունակվող լարվածության հնարավոր գլոբալ ու տարածաշրջանային հետևանքները։
Հոդվածում նշվում է, որ Թուրքիան և Ադրբեջանը ցամաքով իրար կապող միջանցքի թեման կրկին օրակարգում է։
Իրանի և Իսրայելի ֆոնդային բորսաներում ևս զգալի անկում է նկատվում։
Գերմանիան խստացրել է սահմանային միջոցառումները, քանի որ թուրքերը կազմում են անօրինական ներգաղթի հոսքի զգալի մասը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |