Իրաքը Թուրքիայի հարցով կրկին դիմել է ՄԱԿ-ին

Քաղաքական13:24, 17 Փետրվար 2016

Իրաքը Թուրքիայի հարցով կրկին դիմել է ՄԱԿ-ին

Իրաքն իր տարածքում թուրքական զորաջոկատների գտնվելու հարցով կրկին դիմել է ՄԱԿ-ի անվտանգության խորհրդին (ԱԽ):

Ըստ թուրքական «Sondakika.com» կայքի` ՄԱԿ-ում Իրաքի մշտական ներկայացուցիչ Մուհամմեդ Ալի ալ Հաքիմը հայտարարել է, որ դիմել են ԱԽ-ի անդամ պետությունների ներկայացուցիչներին` նրանց խնդրելով, որպեսզի Թուրքիային կոչ անեն դուրս բերել զորաջոկատներն Իրաքի տարածքից:

Հիշեցնենք, որ դեկտեմբերի 5-ին թուրքական զորաջոկատներն առանց Իրաքի կենտրոնական իշխանությունների թույլտվության ներխուժել են Իրաքի Քուրդիստանի Մոսուլ քաղաքից 30կմ հեռավորության վրա գտնվող Բաշիքա շրջան, որտեղ հաստատվել են ավելի վաղ թուրքերի կողմից հիմնած ռազմակայանում:

Բաշիքա շրջան ներխուժած թուրքական զորքի զգալի մասը և տանկերը տեղափոխվել էիր Իրաքի Սերսինգ և Բամերնի շրջաններ, որոնց մի մասը ավելի ուշ հետ էր բերվել Թուրքիայի սահման:

Այժմ թուրքական զորաջոկատի մնացած մասը շարունակում է տեղակայված մնալ Բաշիքայում:

Աղբյուր` Ermenihaber.am