Միջազգային10:19, 17 Փետրվար 2016
Թուրքիան 15 հազարանոց զորք է կենտրոնացրել Սիրիայի սահմանին
Թուրքիայի ԶՈՒ գլխավոր շտաբի (ԳՇ) կողմից մշակված «հավանականությունների պլանավորման» ծրագրի շրջանակներում Սիրիայի հետ սահմանին 15 հազարանոց զորք է տեղակայվել:
Թուրքական «Sondakika.com» լրատվական կայքի տեղեկացմամբ` սահման է ուղարկվել նաև համապատասխան զինտեխնիկա` «Fırtına» տեսակի հաուբից հրանոթներ, տանկեր և հրետանային մարտկոցներ, որոնք տեղակայվել են սահմանագծի վտանգավոր հատվածներում:
Նշվում է, որ գլխավոր շտաբի կողմից պլանավորվել է թուրք-սիրիական սահմանին ստեղծել հումանիտար անվտանգության գոտի:
Հաշվի է առնվել նաև խաղաղ բնակչության գտնվելու վայրերում Սիրիայի քրդերի ջոկատների` «Ժողովրդի պաշտպանության ուժերի» (ԺՊՈՒ-YPG) և ռուսական զորքերի հետ թուրքական բանակի ստորաբաժանումների հնարավոր բախման սցենարը: Այդ պարագայում օրակարգ է բերվելու «թռիչքների համար արգելված գոտի» հայտարարելը, ինչին, ըստ թուրքական կողմի, աջակցում է Գերմանիան:
Նշվում է, որ Սիրիայի Ազազ շրջանից ու Հալեպից դեպի Թուրքիայի սահման փախստականների զանգվածային հոսքի դեպքում թուրքական ստորաբաժանումները կանցնեն սահմանը ու կտեղակայվեն սահմանի հակառակ կողմում` ստանձնելով վահանի դեր:
Աղբյուրը նաև նշում է, որ սահմանին տեղակայված ստորաբաժանումները բերված են մարտական պատրաստականության բարձր աստիճանի և սպասում են Անկարայի հրահանգներին:
Այս ենթաբաժնի վերջին նորությունները
Բացի այդ Հնկաստանում բոյկոտի է ենթարկվում նաև թուրքական գյուղմթերքը։
Թուրքիան ամենաթանկ երկիրն է համարվել սննդամթերքի գնաճի ցուցանիշով։
Թուրքական մամուլը Հնդկաստանի այդ քայլը կապում է Պակիստան-Հնդկաստան լարվածության ֆոնին Թուրքիայի կողմից Պակիստանին տրվող աջակցության հետ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ֆիլմը լինելու է Թուրքիայի և Հայաստանի միջև առաջին համատեղ լիամետրաժ ֆիլմարտադրանքը:
Բացի այդ Հնկաստանում բոյկոտի է ենթարկվում նաև թուրքական գյուղմթերքը։
Օրակարգում են եղել Իրանի միջուկային ծրագրի շուրջ իրականացվող բանակցությունները:
Թուրքիայի արտգործնախարարը հանդիպել է նաև Սաուդիան Արաբիայի արտգործնախարարի հետ։
Հունական մամուլը նշում է, որ 1970-ականներից եկող՝ «Թուրքիան հետամնաց երկիր է» հայեցակարգը վաղուց արդեն փլուզվել է։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |