Իրանի զգուշացումը՝ Թուրքիային և Սաուդյան Արաբիային

Տարածաշրջան08:09, 16 Փետրվար 2016

Իրանի զգուշացումը՝ Թուրքիային և Սաուդյան Արաբիային

Իրանի Իսլամական Հանրապետության (ԻԻՀ) արտգործնախարարության խոսնակ Հուսեյն Ջաբիր Էնսարին հայտարարել է, որ Թուրքիայի և Սաուդյան Արաբիայի հնարավոր միջամտությունը սիրիական ճգնաժամին, միայն ավելի կսրի իրավիճակը:

Թուրքական «Dogan» լրատվական գործակալությունը, հղում անելով իրանական պաշտոնական «Fars» լրատվական գործակալությանը, մեջբերել է Էնսարիի հայտարարությունը.

«Իրանը կարծում է, որ տարածաշրջանային և միջազգային միջամտությունների պատճառով խնդիրն ավելի կբարդանա: Ցանկացած նոր միջամտություն առանց Սիրիայի կառավարության հետ փոխհամաձայնության, ավելի կխճճի ճգնաժամը, ինչն էլ կնպաստի ահաբեկչական հարձակումների ավելացմանը»:

Էնսարին նկատել է տվել, որ այն երկրները, որոնք մինչև այժմ փորձել են Սիրիայի հարցում ագրեսիվ քաղաքականություն վարել, այդպես էլ ոչ մի արդյունքի չեն հասել:

«Հուսով ենք, որ ռազմական միջամտություն ձեռնարկելուց առաջ բոլոր երկրները նշյալ հանգամանքները հաշվի կառնեն»,- հավելվում է հայտարարության մեջ:

Հիշեցնենք, որ փետրվարի 14-ին երեկոյան Թուրքիայի զինված ուժերը (ԶՈՒ) «Fırtına» տեսակի թուրքական հաուբիցներով հրետակոծել են թուրք-սիրիական սահմանամերձ Ազազ քաղաքի հարավարևելյան Մարանաս շրջանը, որտեղ գտնվում էին Սիրիայի քրդական ուժերի զինանոցները: Թուրքիայի նշյալ գործողությունների դադարեցման կոչով էին հանդես էին եկել Ֆրանսիան և Միացյալ Նահանգները:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։